HARARE —
Abenhlanganiso yeAfrican Union bathi umumo wezinto eZimbabwe ngaphambilini kokhetho bawubona umuhle okuyinto ephikiswa nguMnu Morgan Tsvangirai umkhokheli welinye lamacele eMDC.
Lokhu kuvezwe ngumgcinisihlalo wenhlanganiso yeAfrican Union uDr Nkosazana Dlamini Zuma emhlanganweni lentathelizindaba owenzelwe eRainbow Towers eHarare ngoLwesihlanu wokwethula umbiko wequla elizobona ukhetho luqhutshwa ophezu komumo wezinto sokusele insuku eziphansi kweviki ukuthi ukhetho lweZimbabwe lwenziwe.
UDr Dlamini-Zuma uthi iqula lakhe ebelikuleli kusukela mhlaka 15 kunyanga kaNhlangula kalikaboni izehlakalo zodlakela.
Uqhubeke ethi kusukela ngesikhathi efika kuleli ngoLwesithathu emini usengene imihlangano lenkokheli zamabandla azancintisa kukhetho lukamongameli abakatholi okubi osekuthe kwavezwa yilezinkokheli.
UZuma uthi laloba imithetho efana le AIIPA le POSA iyimigoqo emikhulu kundaba zokutholisa ulwazi phezu kokwenzakalayo ukhangelele ukuba izaguqulwa ngokuya kwesikhathi.
Ukhuthaza inkokheli ukuba ziqhubekele phambili ngokukhankasela ukuthula ngesikhathi kulungiselelwa ukhetho, ngosuku lokhetho kanye langemva kwalolokhetho.
Wengeze ethi abenhlanganiso yakhe balamandla wokujezisa abangaqala udlakela kungakhathalekile ukuba ngabaliphi ibandla.
Lokhu kugcizelelwe ngumkhokheli wohlangothi lwezombusazwe enhlanganisweni yeAfrican Union uDr Aisha Abuddulahi obesemhlanganweni munye.
Inkokheli zaleliqula leAU abakuleli ukuzabona ngezokhetho batshele intathelizindaba, ama Observers eAU kanye labameli bamazwe kuleli ukuba ababona ngezokhetho enhlanganisweni yakhe bazaqhubeka beseZimbabwe nxa kuthe kwaba lokhetho lwe Run-off.
Kodwa umkhokheli welinye lamacele e-MDC uMnumzana Morgan Tsvangirayi uveze ukukhonona phezu kwalumbiko owethulwe ngu Dr Dlamini Zuma emele inhlanganiso yeAU.
Emhlanganweni owenzelwe emahofisini ebandla lakhe eHarvest House lentathelizindaba uveze ukuba akajatshuliswa yikwenza kuka Dr Dlamini Zuma ethi uthatha icele esekela okutshiwo ngabe Zanu PF.
UTsvangirayi uthi abe MDC bangene kulolukhetho lanxa zingasafezwanga ezinye iziqondiso zokuqhutshwa kokhetho olukhululekileyo okufana lokuguqulwa kwemithetho ye AIIPA lowe POSA.
Uthi bangena kulolukhetho lwamhlaka 31 kuyonale inyanga ngoba lilothando lozulu weZimbabwe njalo balethemba lokuthola usekelo olukhulu banqobe okumgceke.
Impumela yalolu khetho ibikwa ikhangelelwe ukuphuma phakathi kwensuku ezinhlanu. Nxa kungela oyabe enqobe ngesilinganiso esikhulu ukhetho lweRun-off lukhangelelwe ukwenziwa mhlaka 11 Mpandula.
Lokhu kuvezwe ngumgcinisihlalo wenhlanganiso yeAfrican Union uDr Nkosazana Dlamini Zuma emhlanganweni lentathelizindaba owenzelwe eRainbow Towers eHarare ngoLwesihlanu wokwethula umbiko wequla elizobona ukhetho luqhutshwa ophezu komumo wezinto sokusele insuku eziphansi kweviki ukuthi ukhetho lweZimbabwe lwenziwe.
UDr Dlamini-Zuma uthi iqula lakhe ebelikuleli kusukela mhlaka 15 kunyanga kaNhlangula kalikaboni izehlakalo zodlakela.
Uqhubeke ethi kusukela ngesikhathi efika kuleli ngoLwesithathu emini usengene imihlangano lenkokheli zamabandla azancintisa kukhetho lukamongameli abakatholi okubi osekuthe kwavezwa yilezinkokheli.
UZuma uthi laloba imithetho efana le AIIPA le POSA iyimigoqo emikhulu kundaba zokutholisa ulwazi phezu kokwenzakalayo ukhangelele ukuba izaguqulwa ngokuya kwesikhathi.
Ukhuthaza inkokheli ukuba ziqhubekele phambili ngokukhankasela ukuthula ngesikhathi kulungiselelwa ukhetho, ngosuku lokhetho kanye langemva kwalolokhetho.
Wengeze ethi abenhlanganiso yakhe balamandla wokujezisa abangaqala udlakela kungakhathalekile ukuba ngabaliphi ibandla.
Lokhu kugcizelelwe ngumkhokheli wohlangothi lwezombusazwe enhlanganisweni yeAfrican Union uDr Aisha Abuddulahi obesemhlanganweni munye.
Inkokheli zaleliqula leAU abakuleli ukuzabona ngezokhetho batshele intathelizindaba, ama Observers eAU kanye labameli bamazwe kuleli ukuba ababona ngezokhetho enhlanganisweni yakhe bazaqhubeka beseZimbabwe nxa kuthe kwaba lokhetho lwe Run-off.
Kodwa umkhokheli welinye lamacele e-MDC uMnumzana Morgan Tsvangirayi uveze ukukhonona phezu kwalumbiko owethulwe ngu Dr Dlamini Zuma emele inhlanganiso yeAU.
Emhlanganweni owenzelwe emahofisini ebandla lakhe eHarvest House lentathelizindaba uveze ukuba akajatshuliswa yikwenza kuka Dr Dlamini Zuma ethi uthatha icele esekela okutshiwo ngabe Zanu PF.
UTsvangirayi uthi abe MDC bangene kulolukhetho lanxa zingasafezwanga ezinye iziqondiso zokuqhutshwa kokhetho olukhululekileyo okufana lokuguqulwa kwemithetho ye AIIPA lowe POSA.
Uthi bangena kulolukhetho lwamhlaka 31 kuyonale inyanga ngoba lilothando lozulu weZimbabwe njalo balethemba lokuthola usekelo olukhulu banqobe okumgceke.
Impumela yalolu khetho ibikwa ikhangelelwe ukuphuma phakathi kwensuku ezinhlanu. Nxa kungela oyabe enqobe ngesilinganiso esikhulu ukhetho lweRun-off lukhangelelwe ukwenziwa mhlaka 11 Mpandula.