BULAWAYO LEWASHINGTON DC —
Inhlanganiso yenguqu eye Zimbabwe Football Association ikhangelelwe ukukhetha inkokheli entsha kukhetho oluzaqhutshwa ngoMgqibelo esigodlweni iHarare.
Ophethe isikhundla sokuba ngumkhokheli wenhlanganiso ye Zifa uCuthbert Dube uncintisana labagoqela owake waphatha lesisikhundla eminyakeni eyadlulayo uTrevor David Carelse Juul, owake waba ngunobhala jikelele wenhlanganiso ye Premier Soccer League uLeslie Gwindi kanye lesiphathamandla seqembu elilodumo ngokusebenza labadlali abasakhulayo ele Aces Youth Academy uNigel Munyati.
Akwaziwa kuyozalwa nkomoni njengoba bebane benjalo abalwisa ukuba ngumkhokheli wenhlanganiso ye Zifa bethembisa okufanayo bonke besithi bona
bengakhethwa bazathuthukisa umdlalo wenguqu elizweni.
Abakhankasela isikhundla sika msekeli kamongameli ngabathi uElkanah Dube Kanye lo Omega Sibanda, bobabili abake baba yiziphathamandla zeqembu le Highlanders.
Abafuna ukuba ngamalunga eboard ye Zifa ngabagoqela uFungai Chihuri, uTawengwa Hara, u Bernard Gwarada, uGladmore Muzambi kanye lowayedlalela iqembu lesizwe elama Warriors uJohn Phiri
Kusenjalo kulamahungahunga athi amakhansila enhlanganiso yeZifa amela izigaba ezitshiyeneyo zelizwe okuyiwo azabe ekhetha kulolukhetho angasala ecwazimula ngoba kuvame ukuba lokusetshenziswa kwemali ukuwakhuthaza ukuba avotele umuntu othile.
Ngemva kokhetho olwaba khona ngomnyaka ka 2010 amakhansila amanengi aphatheka kulolukhetho abikwa abonakala esethenge izimota okuyisitshengiselo sokuba bengabe bafumbathiswa imali.
Ingcwethi kwezemidlalo uMnu. Muziwethu Hadebe uthi akwaziwa ukuthi kuyozalankomoni ngoMgqibelo njengoba kungakhanyi ukuthi ngubani sibi sibili ozanqoba kukhetho lolu lokudinga inkokheli yeZifa.
Kolunye udaba olumayelana lomdlalo wenguqu iqembu elimela ilizwe leZimbabwe kumncintiswano walonyaka owe African Confederation Cup ele How Mine lise Nigeria lapho eliyedlala khona leqembu lakhonale ele Bayelsa United emdlalweni wehlandla lesibili elesigaba sesibili salumncintiswano.
Lumdlalo kumele udlalwe ngoMgqibelo emini kodwa imibiko ephuma kwele Nigeria ithi iziphathamandla zeqembu le Bayelsa kanye lezenhlanganiso yenguqu eyeNigeria zidlala umacatshelana leqembu le How Mine lona eliqede isikhathi eside lisegcekeni lendizamtshina khonale eNigeria kungela muntu olamukeleyo.
Iqembu le How Mine linqobe ele Bayelsa nge 2-1 emdlalweni wehlandla lakuqala odlalwe ngempelaviki edluleyo emagumeni ko Bulawayo.
Ophethe isikhundla sokuba ngumkhokheli wenhlanganiso ye Zifa uCuthbert Dube uncintisana labagoqela owake waphatha lesisikhundla eminyakeni eyadlulayo uTrevor David Carelse Juul, owake waba ngunobhala jikelele wenhlanganiso ye Premier Soccer League uLeslie Gwindi kanye lesiphathamandla seqembu elilodumo ngokusebenza labadlali abasakhulayo ele Aces Youth Academy uNigel Munyati.
Akwaziwa kuyozalwa nkomoni njengoba bebane benjalo abalwisa ukuba ngumkhokheli wenhlanganiso ye Zifa bethembisa okufanayo bonke besithi bona
bengakhethwa bazathuthukisa umdlalo wenguqu elizweni.
Abakhankasela isikhundla sika msekeli kamongameli ngabathi uElkanah Dube Kanye lo Omega Sibanda, bobabili abake baba yiziphathamandla zeqembu le Highlanders.
Abafuna ukuba ngamalunga eboard ye Zifa ngabagoqela uFungai Chihuri, uTawengwa Hara, u Bernard Gwarada, uGladmore Muzambi kanye lowayedlalela iqembu lesizwe elama Warriors uJohn Phiri
Kusenjalo kulamahungahunga athi amakhansila enhlanganiso yeZifa amela izigaba ezitshiyeneyo zelizwe okuyiwo azabe ekhetha kulolukhetho angasala ecwazimula ngoba kuvame ukuba lokusetshenziswa kwemali ukuwakhuthaza ukuba avotele umuntu othile.
Ngemva kokhetho olwaba khona ngomnyaka ka 2010 amakhansila amanengi aphatheka kulolukhetho abikwa abonakala esethenge izimota okuyisitshengiselo sokuba bengabe bafumbathiswa imali.
Ingcwethi kwezemidlalo uMnu. Muziwethu Hadebe uthi akwaziwa ukuthi kuyozalankomoni ngoMgqibelo njengoba kungakhanyi ukuthi ngubani sibi sibili ozanqoba kukhetho lolu lokudinga inkokheli yeZifa.
Kolunye udaba olumayelana lomdlalo wenguqu iqembu elimela ilizwe leZimbabwe kumncintiswano walonyaka owe African Confederation Cup ele How Mine lise Nigeria lapho eliyedlala khona leqembu lakhonale ele Bayelsa United emdlalweni wehlandla lesibili elesigaba sesibili salumncintiswano.
Lumdlalo kumele udlalwe ngoMgqibelo emini kodwa imibiko ephuma kwele Nigeria ithi iziphathamandla zeqembu le Bayelsa kanye lezenhlanganiso yenguqu eyeNigeria zidlala umacatshelana leqembu le How Mine lona eliqede isikhathi eside lisegcekeni lendizamtshina khonale eNigeria kungela muntu olamukeleyo.
Iqembu le How Mine linqobe ele Bayelsa nge 2-1 emdlalweni wehlandla lakuqala odlalwe ngempelaviki edluleyo emagumeni ko Bulawayo.