WASHINGTON DC —
Icele leMDC elikhokhelwa ngumnumzana Welshman Ncube, liqhubeka lilahlakelwa yiziphathamandla zalo zisiya kwelikhokhelwa ngumnumzana Morgan Tsvangirai. Owayeyisikhulumeli salelibandla koBulawayo, umnumzana Edwin Ndlovu ngomunye wasebeyazise ukuba sebengamalunga ebandla leMDC-T.
Ngeviki edluleyo uNdlovu wazise ukuba usetshiya ibandla likaNcube esithi usesiyaphumula kwezombusazwe. Kodwa ngoLwesine, uNdlovu utshele intathelizindaba koBulawayo ukuba uselilunga leMDC-T.
Kumaviki ambalwa asanda kwedlula kulamalunga edale lephalamende awayengamalunga eMDC ekhokhelwa nguNcube athi umnumzana Siyabonga Malandu Ncube lomnumzana Edward Mkhosi azise uzulu ukuba asengamalunga ebandla le MDC-T. Esinye isiphathamandla esisuke kulelibandla ngumnumzana Believe Gawule oselilunga lebandla le Zanu PF.
UChris Gande we Studio Seven uxoxe lomnumzana Ndlovu othi ucelwe ngabantu bakoBulawayo ukuthi abuyele ayemanyana labanye kubandla leMDC-T.
Ngeviki edluleyo uNdlovu wazise ukuba usetshiya ibandla likaNcube esithi usesiyaphumula kwezombusazwe. Kodwa ngoLwesine, uNdlovu utshele intathelizindaba koBulawayo ukuba uselilunga leMDC-T.
Kumaviki ambalwa asanda kwedlula kulamalunga edale lephalamende awayengamalunga eMDC ekhokhelwa nguNcube athi umnumzana Siyabonga Malandu Ncube lomnumzana Edward Mkhosi azise uzulu ukuba asengamalunga ebandla le MDC-T. Esinye isiphathamandla esisuke kulelibandla ngumnumzana Believe Gawule oselilunga lebandla le Zanu PF.
UChris Gande we Studio Seven uxoxe lomnumzana Ndlovu othi ucelwe ngabantu bakoBulawayo ukuthi abuyele ayemanyana labanye kubandla leMDC-T.