BULAWAYO —
Iqembu lomdlalo wenguqu ele Hwange libuyele esiqongweni sengalane yemklomelo yesigaba seCastle Premier Soccer League ngemva kwemidlalo yeviki lesikhombisa ebikhona ngempelaviki edluleyo ikhipha iqembu leHighlanders.
Iqembu le Hwange lihlezi phezu kwengalane lilemiklomelo elitshumi lane okulinani elilingana lalelo elileqembu le Buffaloes kodwa iqembu le Chipangano lihlezi phezulu ngoba lihlohle kanengi.
Iqembu le Hwange litshaye ele Bantu Rovers emalahleni kuthi ele Buffaloes linqobe ele FC Platinum ngase Mutare. Kundawo yesithathu kuhlezi iqembu le Highlanders lona elilemiklomelo elitshumi lantathu ndawonye le ZPC Kariba kanye le How Mine.
IBosso ibe ngutshiki lobhanqa le ZPC Kariba ngeNsonto kuthi iqembu le How Mine litshaye ele Chicken Inn ngoMgqibelo enkundleni ye Luveve. Endaweni yesithupha kuhlezi iqembu le Shabanie Mine lona elilemiklomelo elitshumi lanye njalo lilingene ngemiklomelo lele CAPS United elihlezi kundawo yesikhombisa.
Intshantshu zanyakenye iqembu le Dynamos lihlezi kundawo yesitshiya ngalo mbili lilemiklomelo elitshumi njalo lilingene ngemiklomelo lele Chapungu.
Iqembu le Chicken Inn lisesikhundleni setshumi lilemiklomelo eyithoba munwe munye njalo lilingene ngemiklomelo lele FC Platinum kuthi kundawo yetshumi lambili kuleqembu le Bantu Rovers elilemiklomelo eyisithupha njalo lilingene ngemiklomelo lele Black Rhinos.
Kundawo yetshumi lane kuleqembu le Chiredzi lona elilemiklomelo emihlanu njalo lilingene ngemiklomelo lele Chiredzi kuthi emsileni kuleqembu le Harare City elilemiklomelo emithathu.
Iqembu le City linqobe okwakuqala lonyaka lapho litshaya ele Triangle ngoMgqibelo.
………………………………………………………………………………………………………………………………………………………………………………………………………………………………………………………………………………………………………………………….
Kolunye udaba olumayelana lomdlalo wenguqu;
Iqembu le Manchester City yilo eligcotshwe ukuba zintshantshu zesigaba se Barclays Premier League ngemva kokufika komlindi uyacina kwesizini yalonyaka.
IManchester City iqede imidlalo yayo ihlezi phezu kwengalane ilemiklomelo engamatshumi ayithoba minwe mbili lesithupha (86) kuthi iqembu eliphutshe imidlalo yalo likundawo yesibili ele Liverpool liqede lilemiklomelo engamatshumi ayithoba minwe mbili lesithupha (84).
Amaqembu agunyulwe kusigaba saphezulu ngathi ele Cardiff City, ele Fulham kanye lele Norwich City.
…………………………………….
Sikhangele umdlalo wokugijima:
Umdlali womdlalo wokugijima uCuthbert Nyasango uphakamise ibizo leZimbabwe elizweni le Czech Republic ngeNsonto lapho aphutshe ekundawo yesithathu kumncintiswano we Volkswagen Prague Marathon.
Lumjaho ugijinywe phakathi kwama meter azinkulungwane ezilitshumi njalo uNyasango wenze izimanga ngoba enelise ukugijima lumango ngesikhathi esincane ngemizuzwana engamatshumi ayisithupha lanhlanu (65 seconds) kulaleso esagijinywa ngu Tendai Chumusasa ngomnyaka ka 1998 elizweni le Germany kumncintiswano we Hamburg Marathon.
Limpumela eyangeNsonto yenze ukuba uNyasango abe ngomunye wabadlali abazaphatheka kumncintiswano we IAAF World Championship ngomnyaka ozayo.
Iqembu le Hwange lihlezi phezu kwengalane lilemiklomelo elitshumi lane okulinani elilingana lalelo elileqembu le Buffaloes kodwa iqembu le Chipangano lihlezi phezulu ngoba lihlohle kanengi.
Iqembu le Hwange litshaye ele Bantu Rovers emalahleni kuthi ele Buffaloes linqobe ele FC Platinum ngase Mutare. Kundawo yesithathu kuhlezi iqembu le Highlanders lona elilemiklomelo elitshumi lantathu ndawonye le ZPC Kariba kanye le How Mine.
IBosso ibe ngutshiki lobhanqa le ZPC Kariba ngeNsonto kuthi iqembu le How Mine litshaye ele Chicken Inn ngoMgqibelo enkundleni ye Luveve. Endaweni yesithupha kuhlezi iqembu le Shabanie Mine lona elilemiklomelo elitshumi lanye njalo lilingene ngemiklomelo lele CAPS United elihlezi kundawo yesikhombisa.
Intshantshu zanyakenye iqembu le Dynamos lihlezi kundawo yesitshiya ngalo mbili lilemiklomelo elitshumi njalo lilingene ngemiklomelo lele Chapungu.
Iqembu le Chicken Inn lisesikhundleni setshumi lilemiklomelo eyithoba munwe munye njalo lilingene ngemiklomelo lele FC Platinum kuthi kundawo yetshumi lambili kuleqembu le Bantu Rovers elilemiklomelo eyisithupha njalo lilingene ngemiklomelo lele Black Rhinos.
Kundawo yetshumi lane kuleqembu le Chiredzi lona elilemiklomelo emihlanu njalo lilingene ngemiklomelo lele Chiredzi kuthi emsileni kuleqembu le Harare City elilemiklomelo emithathu.
Iqembu le City linqobe okwakuqala lonyaka lapho litshaya ele Triangle ngoMgqibelo.
………………………………………………………………………………………………………………………………………………………………………………………………………………………………………………………………………………………………………………………….
Kolunye udaba olumayelana lomdlalo wenguqu;
Iqembu le Manchester City yilo eligcotshwe ukuba zintshantshu zesigaba se Barclays Premier League ngemva kokufika komlindi uyacina kwesizini yalonyaka.
IManchester City iqede imidlalo yayo ihlezi phezu kwengalane ilemiklomelo engamatshumi ayithoba minwe mbili lesithupha (86) kuthi iqembu eliphutshe imidlalo yalo likundawo yesibili ele Liverpool liqede lilemiklomelo engamatshumi ayithoba minwe mbili lesithupha (84).
Amaqembu agunyulwe kusigaba saphezulu ngathi ele Cardiff City, ele Fulham kanye lele Norwich City.
…………………………………….
Sikhangele umdlalo wokugijima:
Umdlali womdlalo wokugijima uCuthbert Nyasango uphakamise ibizo leZimbabwe elizweni le Czech Republic ngeNsonto lapho aphutshe ekundawo yesithathu kumncintiswano we Volkswagen Prague Marathon.
Lumjaho ugijinywe phakathi kwama meter azinkulungwane ezilitshumi njalo uNyasango wenze izimanga ngoba enelise ukugijima lumango ngesikhathi esincane ngemizuzwana engamatshumi ayisithupha lanhlanu (65 seconds) kulaleso esagijinywa ngu Tendai Chumusasa ngomnyaka ka 1998 elizweni le Germany kumncintiswano we Hamburg Marathon.
Limpumela eyangeNsonto yenze ukuba uNyasango abe ngomunye wabadlali abazaphatheka kumncintiswano we IAAF World Championship ngomnyaka ozayo.