BULAWAYO —
Iqembu elimela ilizwe kumncintiswano walonyaka owe Orange Caf Confederation Cup ele How Mine likhangelele ukunqoba ngemiklomelo eminengi emdlalweni wehlandla lakuqala elesigaba sakuqala salumncintiswano elizawudlala lele Chuoni FC lase Zanzibar ngoMgqibelo ukuze lithuthukise amathuba alo okudlulela esigabeni esilandelayo.
Umqeqetshi weqembu lenguqu le How Mine uPhilani Beefy Ncube uthi abafana bakhe kuzamele bahle behlasele umdlalo uqala ukuze benelise ukufeza isifiso sabo esokuhlohla kanengi.
UNcube uthi nxa bengahlohla imiklomelo eminengi ngoMgqibelo kuzakuba lula ukuba baphumelele ukuya kusigaba esilandelayo ngoba bengaya kumdlalo wehlandla lesibili ozadlalelwa khonale eZanzibar injongo yabo kuyikuyavimba isango labo.
Lumbono kaNcube usekelwe ngumgcinisihlalo weqembu le How Mine uMlondolozi Nkomo othi yena amalungiselelo abo ahambe kuhle njalo bakhangelele ukuba bathole impumela ejabulisayo ngempelansonto.
UNkomo ukhuthaze abalandeli bomdlalo wenguqu ukuba babuye ngobunengi babo enkundleni ye Barbourfields ukuzosekela iqembu le How Mine njalo uthembise ukuba iqembu lakhe lizadlala ibhola elinathisa amanzi.
Iqembu le How Mine lithole ilungelo lokumela ilizwe leZimbabwe kumncintiswano we Confederations Cup ngemva kokuba lingene ku final eyenkezo ye Mbada Diamonds ngomnyaka odluleyo lapho elinqotshwe khona nge 3 ka nya ngele Highlanders.
Izimbamgodi zithethe isikhundla seHighlanders yona eyamiswa ukudlala imidalo eyokudinga intshantshu zezwekazi lase Africa yinhlanganiso yeCaf ngemva kokungayidlala elizweni le Zambia eminyakeni eyadlulayo.
I Bosso yayibhaliswe yinhlanganiso ye Zifa loba nje yona yayihle yaphumela egcekeni yathi ayenelisi ukuyadlala eAfrica.
Abadlali abakhangelelwe ukuba bazaphathisa iqembu le How Mine ngomgqibelo ngabagoqela uHerbert Dick, uGilbert Banda, uMernard Mupera kanye lonozinti uEphraim Mazarura bona asebake badlala kumncintiswano efanayo.
Iqembu le Chuoni likhangelelwe ukufika kwele Zimbabwe kusasa ngoLwesine.
Kusenjalo ngensonto intshantshu zomdlalo wenguqu kusigaba se Premier Soccer League nyakenye iqembu le Dynamos lizemukela intshantshu zelizwe le Botswana iqembu le Mochudi Centre Chiefs enkundleni ye National Sports Stadium kuhlandla lakuqala elesigaba sakuqala esomncintiswano we African Champions League.
Umqeqetshi weqembu lenguqu le How Mine uPhilani Beefy Ncube uthi abafana bakhe kuzamele bahle behlasele umdlalo uqala ukuze benelise ukufeza isifiso sabo esokuhlohla kanengi.
UNcube uthi nxa bengahlohla imiklomelo eminengi ngoMgqibelo kuzakuba lula ukuba baphumelele ukuya kusigaba esilandelayo ngoba bengaya kumdlalo wehlandla lesibili ozadlalelwa khonale eZanzibar injongo yabo kuyikuyavimba isango labo.
Lumbono kaNcube usekelwe ngumgcinisihlalo weqembu le How Mine uMlondolozi Nkomo othi yena amalungiselelo abo ahambe kuhle njalo bakhangelele ukuba bathole impumela ejabulisayo ngempelansonto.
UNkomo ukhuthaze abalandeli bomdlalo wenguqu ukuba babuye ngobunengi babo enkundleni ye Barbourfields ukuzosekela iqembu le How Mine njalo uthembise ukuba iqembu lakhe lizadlala ibhola elinathisa amanzi.
Iqembu le How Mine lithole ilungelo lokumela ilizwe leZimbabwe kumncintiswano we Confederations Cup ngemva kokuba lingene ku final eyenkezo ye Mbada Diamonds ngomnyaka odluleyo lapho elinqotshwe khona nge 3 ka nya ngele Highlanders.
Izimbamgodi zithethe isikhundla seHighlanders yona eyamiswa ukudlala imidalo eyokudinga intshantshu zezwekazi lase Africa yinhlanganiso yeCaf ngemva kokungayidlala elizweni le Zambia eminyakeni eyadlulayo.
I Bosso yayibhaliswe yinhlanganiso ye Zifa loba nje yona yayihle yaphumela egcekeni yathi ayenelisi ukuyadlala eAfrica.
Abadlali abakhangelelwe ukuba bazaphathisa iqembu le How Mine ngomgqibelo ngabagoqela uHerbert Dick, uGilbert Banda, uMernard Mupera kanye lonozinti uEphraim Mazarura bona asebake badlala kumncintiswano efanayo.
Iqembu le Chuoni likhangelelwe ukufika kwele Zimbabwe kusasa ngoLwesine.
Kusenjalo ngensonto intshantshu zomdlalo wenguqu kusigaba se Premier Soccer League nyakenye iqembu le Dynamos lizemukela intshantshu zelizwe le Botswana iqembu le Mochudi Centre Chiefs enkundleni ye National Sports Stadium kuhlandla lakuqala elesigaba sakuqala esomncintiswano we African Champions League.