WASHINGTON DC —
Umthethwandaba weHigh Court uthi ukhetho lwamaBy-elections ezigabeni zonke zelizwe ezingela bammeli ephalamende lakumakhansili kumele lwenziwe ngasikhathi sinye lokhetho lomnyaka ozayo, iGeneral Election.
Kulezigaba ezilitshumi lanye ezingela bammeli kudale laphezulu eleSenate. Kudale laphansi iHouse of Assembly zilitshumi lasithupha, 16, njalo kumakhansili zilikhulu lamatshumi ayisithupha lane -164.
Esethula isinqumo sakhe kusicelo sikaMongameli Mugabe ngoLwesibili, umahluli omkhulu weHigh Court uMnu George Chiweshe uthe amaby-elections wonke kumele enziwe ngomnyaka ozayo lapho okuzakwenziwa ukhetho lokudinga uMongameli welizwe, amakhansila lamalunga ephalamende.
Idale linye belinqume kunsukwana ezedluleyo kudaba olukhwezwe yinhlanganiso yeZimbabwe National Youth Service Association, ukuthi amaBy-Elections ezigabeni zonke zelizwe kumele enziwe phakathi kwamaviki amabili.
Isicelo senhlanganiso le silandele isinqumo seSupreme Court esokuthi amaBy-Elections ezigabeni ezintathu eMatabeleland ezibalisa iLupane East, Bulilima East leNkayi South kumele enziwe ngokuphangisa.
Kodwa isinqumo lesi asisazange salandelwa ngemva kokuba uChiweshe evumelane loMugabe ukuthi ukhetho lonke lwenziwe kanye-kanye ngomnyaka ozayo ngoba kathesi kungela mali.
Kodwa okudanisa abantu abanengi, abagoqela umlawuli wedale lephalamende uMnu Lovemore Moyo yikuthi ezinye zalezi zigaba sezileminyaka phose emine zingela bammeli.
Ingcwethi kwezombusazwe uMnu Effie Dlela Ncube utshele iStudio 7 ukuthi ungungenziwa kwamaBy-elections la ngesikhathi kuveza sobala ukuthi uhulumende kalandeli umthetho.
Kulezigaba ezilitshumi lanye ezingela bammeli kudale laphezulu eleSenate. Kudale laphansi iHouse of Assembly zilitshumi lasithupha, 16, njalo kumakhansili zilikhulu lamatshumi ayisithupha lane -164.
Esethula isinqumo sakhe kusicelo sikaMongameli Mugabe ngoLwesibili, umahluli omkhulu weHigh Court uMnu George Chiweshe uthe amaby-elections wonke kumele enziwe ngomnyaka ozayo lapho okuzakwenziwa ukhetho lokudinga uMongameli welizwe, amakhansila lamalunga ephalamende.
Idale linye belinqume kunsukwana ezedluleyo kudaba olukhwezwe yinhlanganiso yeZimbabwe National Youth Service Association, ukuthi amaBy-Elections ezigabeni zonke zelizwe kumele enziwe phakathi kwamaviki amabili.
Isicelo senhlanganiso le silandele isinqumo seSupreme Court esokuthi amaBy-Elections ezigabeni ezintathu eMatabeleland ezibalisa iLupane East, Bulilima East leNkayi South kumele enziwe ngokuphangisa.
Kodwa isinqumo lesi asisazange salandelwa ngemva kokuba uChiweshe evumelane loMugabe ukuthi ukhetho lonke lwenziwe kanye-kanye ngomnyaka ozayo ngoba kathesi kungela mali.
Kodwa okudanisa abantu abanengi, abagoqela umlawuli wedale lephalamende uMnu Lovemore Moyo yikuthi ezinye zalezi zigaba sezileminyaka phose emine zingela bammeli.
Ingcwethi kwezombusazwe uMnu Effie Dlela Ncube utshele iStudio 7 ukuthi ungungenziwa kwamaBy-elections la ngesikhathi kuveza sobala ukuthi uhulumende kalandeli umthetho.