Grace Mugabe: Sebenzani Gadalala KoBulawayo Linqobe I-MDC-T

Umka mongameli welizwe uNkosikazi Grace Mugabe usole inkokheli yebandla leZANU PF eyayingamalunga ebandla leZAPU ngokubangisana isikhundla somsekeli kamongameli esithi lokhu kudala ingxabano phakathi kwalelibandla.

Ekhuluma emhlanganweni wakhe wokucina phakathi kwaleyo abehamba eyiqhuba ezigabeni ezitshiyeneyo zelizwe, uNkosikazi Mugabe uthe kufanele iziphathamandla zebandla leZANU PF koBulawayo, zilandele isimo sikamuyi owayekhokhela ibandla leZAPU, uMnu. Joshua Mqabuko Nkomo, owayefisa ukuthi abantu bebambane.

UNkosikazi Mugabe uthe ukunqoba kwe MDC kulelidolobho kubangelwa yikuthi inkokheli yebandla leZANU PF ayisebenzi gadalala, kodwa ikhuluma ngokuthi yalwa impi yenkululeko kuphela, endaweni yokudinga amacebo okuthi bengalungisa njani okuhluphayo kulesisigaba, okubangela ukuthi abantu bevotele i-MDC ngoba engekho omunye owokuvotela.

Okunengi ngalumhlangano asikuzweni kungxoxo esiyiqhube lelunga leCentral Committee yalelibandla, uMnu. Joseph Tshuma, yena othi uNkosikazi Mugabe wemukelwe ngenjabulo koBulawayo.

Embed share

Ingxoxo LoMnu. Joseph Tshuma

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:00 0:00

Lapho esitholakala khona

• | MP3

Ukudlala