BULAWAYO —
Umqeqetshi weqembu lenguqu ele FC Platinum uLloyd Mutasa uthi lonyaka iqembu lakhe liqine saka njalo lilakho ukuphakamisa inkezo ezimbalwa ekupheleni kwesizini yokudlala umdlalo webhola.
UMutasa ubekhuluma ngemva komdlalo weqembu lakhe owokuzwana amandla eliwudlale leqembu le Highlanders eMagumeni ngeNsonto.
Iqembu le FC Platinum lithenge abagadli abambalwa abatshisayo kwele Zimbabwe njalo laba ngabagoqela uNjabulo Ncube, yena obedlalela iqembu le Highlanders nyakenye, uTarisai Rukanda, obedlalela iqembu le Shabanie Mine kanye lo Stephen Sibanda, obedlalela iqembu le Buffaloes.
Phezu kwalabo bagadli iqembu leli lithenge njalo abadlali abasakhulayo abadla amahabula abagoqela uWalter Musona kanye lo Wisdom Mutasa oyindodana yakhe uLloyd.
Lumqeqetshi utshele intatheli ukuba abagadli bathengwe kuyindlela yokulungisisa udaba lokuba iqembu lakhe belithwala nzima ukulitshayela emambuleni nyakenye kodwa ngeNsonto iqembu lakhe lehlulekile ukuhlohla obekungokwakuqala ukwenzakala selokhu liqale ukudlala imidlalo yokuzwana amandla lonyaka njengoba lenelise ukuhlohla kuyo yonke imidlalo eyisithupha eliyidlale phambilini lalo eliwudlale le Highlanders wona ophele iBosso inqobe nge 1 ka nya.
Sikhangele umdlalo kakhilikithi:
Iqembu labafana abaleminyaka engaphansi kwelitshumi lathoba munwe munye elimela ilizwe le Zimbabwe emdlalweni kakhilikithi linqobe ele Namibia ngama wickets ayisithupha ngoMgqibelo kumncintiswano we Plate Championship emidlalweni yezizwe zomhlaba eqhutshelwa elizweni lase United Arab Emirates.
Limpumela itsho ukuba iqembu le Zimbabwe lidlulele kusigaba se semi –final eye Plate Championship lapho elizadibana khona leqembu labosowabo elimela ilizwe lase Bangladesh kusasa mhla zingamatshumi amabili lanhlanu.
Iqembu le Namibia yilo eliqale ukutshaya ibhola ngoMgqibelo lathola ama runs asilela ngayisithupha ukuba afike kumakhulu amabili (194) kuma overs alo angamatshumi amahlanu kwathi ele Zimbabwe seliphendula lithole ama runs asilela ngamathathu ukuba afike kumakhulu amabili (197).
Iqembu elizanqoba phakathi kwe Zimbabwe le Bangladesh kusasa lizadibana lelizanqoba phakathi kwe United Arab Emirates le New Zealand ku final ye Plate Championship mhla zingamatshumi amabili lesikhombisa.
UMutasa ubekhuluma ngemva komdlalo weqembu lakhe owokuzwana amandla eliwudlale leqembu le Highlanders eMagumeni ngeNsonto.
Iqembu le FC Platinum lithenge abagadli abambalwa abatshisayo kwele Zimbabwe njalo laba ngabagoqela uNjabulo Ncube, yena obedlalela iqembu le Highlanders nyakenye, uTarisai Rukanda, obedlalela iqembu le Shabanie Mine kanye lo Stephen Sibanda, obedlalela iqembu le Buffaloes.
Phezu kwalabo bagadli iqembu leli lithenge njalo abadlali abasakhulayo abadla amahabula abagoqela uWalter Musona kanye lo Wisdom Mutasa oyindodana yakhe uLloyd.
Lumqeqetshi utshele intatheli ukuba abagadli bathengwe kuyindlela yokulungisisa udaba lokuba iqembu lakhe belithwala nzima ukulitshayela emambuleni nyakenye kodwa ngeNsonto iqembu lakhe lehlulekile ukuhlohla obekungokwakuqala ukwenzakala selokhu liqale ukudlala imidlalo yokuzwana amandla lonyaka njengoba lenelise ukuhlohla kuyo yonke imidlalo eyisithupha eliyidlale phambilini lalo eliwudlale le Highlanders wona ophele iBosso inqobe nge 1 ka nya.
Sikhangele umdlalo kakhilikithi:
Iqembu labafana abaleminyaka engaphansi kwelitshumi lathoba munwe munye elimela ilizwe le Zimbabwe emdlalweni kakhilikithi linqobe ele Namibia ngama wickets ayisithupha ngoMgqibelo kumncintiswano we Plate Championship emidlalweni yezizwe zomhlaba eqhutshelwa elizweni lase United Arab Emirates.
Limpumela itsho ukuba iqembu le Zimbabwe lidlulele kusigaba se semi –final eye Plate Championship lapho elizadibana khona leqembu labosowabo elimela ilizwe lase Bangladesh kusasa mhla zingamatshumi amabili lanhlanu.
Iqembu le Namibia yilo eliqale ukutshaya ibhola ngoMgqibelo lathola ama runs asilela ngayisithupha ukuba afike kumakhulu amabili (194) kuma overs alo angamatshumi amahlanu kwathi ele Zimbabwe seliphendula lithole ama runs asilela ngamathathu ukuba afike kumakhulu amabili (197).
Iqembu elizanqoba phakathi kwe Zimbabwe le Bangladesh kusasa lizadibana lelizanqoba phakathi kwe United Arab Emirates le New Zealand ku final ye Plate Championship mhla zingamatshumi amabili lesikhombisa.