Umhlangano webandla lamaRepublicans oqhutshelwa edolobheni leFlorida, eMelika ungene kulanga lesithathu ngoLwesine.
Ozamela lelibandla kukhetho lokudinga uMongameli ngoLwezi encintisana loMongameli Barack Obama, uMnu Mitt Romney, ukhangelelwe ukwethula amazwi akhe ntambama.
Okhethwe nguRomney ukuthi abe ngumsekeli wakhe nxa ethe wanqoba uMnu Paul Ryan yena ukhulume ngolweSithathu wasola uObama esithi seyehlulekile ukuvuselela umnotho welizwe.
Umhlangano ofanayo webandla likaObama elamaDemocrats uzaqhutshwa ngeviki ezayo njalo inhloko kahulumende uMnu Morgan Tsvangirai unxusiwe.
Imihlangano le iqhutshwa kungeladlakela oluvame ukubonakala eZimbabwe lapho imihlangano yeMDC ehlezi ivinjwa ngamapholisa labasekeli beZanu PF.
Izizalwane zeZimbabwe zithi lanxa kulokukhulumisana kubi phakathi kwebandla likaMnu Obama lelikaMnu Romney, kunengi amabandla eZimbabwe angakufunda kwezombusazwe eMelika.
Ukuhlaziya loludaba sixhume umgcinisihlalo weMDC kaTsvangirai eMelika uMnu Den Moyo lengcwethi ecubungula ezombusazwe uMnu Nkululeko Sibanda yena ofundisa eHuddersfield University eBritain.
Bobabili bathi kunengi amabandla eZimbabwe angakufunda akugoqela udaba lokulondolozwa komthetho lokuphikisana kwezombusazwe kungeladlakela.
Ozamela lelibandla kukhetho lokudinga uMongameli ngoLwezi encintisana loMongameli Barack Obama, uMnu Mitt Romney, ukhangelelwe ukwethula amazwi akhe ntambama.
Okhethwe nguRomney ukuthi abe ngumsekeli wakhe nxa ethe wanqoba uMnu Paul Ryan yena ukhulume ngolweSithathu wasola uObama esithi seyehlulekile ukuvuselela umnotho welizwe.
Umhlangano ofanayo webandla likaObama elamaDemocrats uzaqhutshwa ngeviki ezayo njalo inhloko kahulumende uMnu Morgan Tsvangirai unxusiwe.
Imihlangano le iqhutshwa kungeladlakela oluvame ukubonakala eZimbabwe lapho imihlangano yeMDC ehlezi ivinjwa ngamapholisa labasekeli beZanu PF.
Izizalwane zeZimbabwe zithi lanxa kulokukhulumisana kubi phakathi kwebandla likaMnu Obama lelikaMnu Romney, kunengi amabandla eZimbabwe angakufunda kwezombusazwe eMelika.
Ukuhlaziya loludaba sixhume umgcinisihlalo weMDC kaTsvangirai eMelika uMnu Den Moyo lengcwethi ecubungula ezombusazwe uMnu Nkululeko Sibanda yena ofundisa eHuddersfield University eBritain.
Bobabili bathi kunengi amabandla eZimbabwe angakufunda akugoqela udaba lokulondolozwa komthetho lokuphikisana kwezombusazwe kungeladlakela.