EleZimbabwe Ngelinye Lamazwe Alabantwana Abanengi Abaswela Ukudla Okwakha Umzimba, Kutsho iUNICEF

Inhlanganiso ebona ngokunakekelwa kwabantwana emhlabeni jikelele phansi komanyano weUnited Nations eyeUNICEF ithi eleZimbabwe ngelinye lamazwe ayisithupha asezansi yezwekazi leAfrica alabantwana abahlaselwe yisimo sendlala esibangelwa yikuswela ukudla okwakha umzimba, i-severe acute malnutrition.

Lokhu kufaka abantwana laba engozini yokuhlaselwa yimikhuhlane etshiyeneyo.

Isikhulumeli seUNICEF empumalanga lasezansi yeAfrica uEtleva Kadilli wazise ukuba emazweni abalisa iZimbabwe, Botswana, Zambia, Malawi, Namibia laseLesotho kulabantwana abazinkulungwane ezingamakhulu phose amathathu, 270,000 abakulesisimo.

Uthe njalo emazweni athi eZimbabwe, Lesotho, Namibia, Zambia laseMalawi abantwana ababhekane lendlala bedlula izidizi eziyisikhombisa, 7.4 million.

Ngenyanga edluleyo iUNICEF yazise ukuthi abantwana abahlaselwe yindlala abadinga uncedo eZimbabwe bedlula ingxenye yesigidi, 580,000.

EZimbabwe yonke kulabantu abayizigidi eziyisitshiyagalolunye, 9 million, abahlaselwe yindlala njalo abadinga usizo oluphuthumayo.

Umkhokheli wenhlanganiso emela abathengi eyeNational Consumer Rights Association uMnu Effie Dlela Ncube utshele iStudio 7 ukuthi ukudula kwezinto lokonakala komnotho yikho okwenza indlala idle ubhedu eZimbabwe.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:02 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala