Umongameli Emmerson Mnangagwa uthi uhulumende wakhe uzimisele ukulondoloza umbuso okhululekileyo njalo eleZimbabwe alisoze litshelwe ngamazwe ayeloncindezelo ukuthi liqhube njani inhlelo zalo.
Ukhulume amazwi la embuthanweni wokunanza amaqhawe elizwe owe National Heroes's Day eHarare ngoMvulo.
Uqhubele ilembu lesizwe kumndeni yalabo abaphiwa inhlonipho efanayo sebetshonile ababalisa oMnumzana Saul Gwakuba Ndlovu, Siwanda Kennedy Mbuso Sibanda, loCrispan Masuku owayekubutho.
Usuku lolu lunanzwe kuzigaba zonke zelizwe lapho iziphathamandla zikahulumende ezethulele abantu umbiko kaMongameli Mnangagwa ofanayo.
Ukuze sihlaziye loludaba lokunye njalo okuhlafuniweyo kulumbuthano, sixoxe loMnu. Walter Nsununguli Mbongolwane,ingcwethi ecubungula ezombusazwe.
