HARARE —
Umongameli Robert Mugabe, oselenyanga eziyisithsiyagalombili, emnyakeni wakula sombuso weminyaka emihlanu elandelayo, ngemva kokunqoba ukhetho lwamhlaka 31 Ntulikazi nyakenye, usole udlakela emabandleni ezombusazwe waxwayisa aphikisayo asebesethusela ukutshengisela besola umbuso wakhe ukuba bazajeziswa kanzima.
UMugabe utsho lamazwi esethula umbiko wakhe emkhosini wokunanza usuku ilizwe elathola ngalo uzibuse lonyaka, owenzelwe enkundleni ye National Sports Stadium oluhle lwahlangana losuku lwekhefu lwe Good Friday lapho ilizwe limanyana lamanye emhlabeni jikelele ukukhumbula ukubethelwa esiphambanweni kweNkosi uJesu Christu.
Lesi sixwayiso sikaMugabe siza ngemva kokuba ontanga ebandleni le MDC elikhokhelwa ngumnumzana Morgan Tsvangirayi besungule umkhankaso wokukhuthazana ukutshengisela ilizwe lonke besola umbuso weZanu Pf bethi usuphazamise isimo somnotho.
Wengeze ethi abalondoloza ukuthula lezemithetho kabayi kubukela nje ontanga laba betshengisela, kodwa ezajeziswa kanzima wonke ozaphatheka.
Umongameli Mugabe oselendumela kundaba zokusola indaba eziphathelelne lezezitabane ubethukethele ngesikhathi ekhuluma phezu kokwenza kwabamazwe akumanyano wamazwe e Europe, i European Union, athi babamba ngamandla abanye ohulumende ukuba babeke umthetho ovumela ukuba khona kwezitabane kiwo.
Wengeze ethi abammeli balamazwe eZimbabwe bangaziwa ukuba bayizitabane loba banga bonakala bekhankasela ilungelo lazo, bazakuxotshwa elizweni kungela kuthikaza.
Kodwa uzulu okhulumisane le Studio Seven utshengise imibono eyehlukeneyo phezu kwalenkulumo kaMugabe ngesikhathi esemkhosini wokunanza usuku lapho ilizwe lathola uzibuse mhla zilitshumi lasitshiyagalombili ( 18 ) ngomnyaka ka 1980 ngemva kokulwisana labelungu ababebusa ngaleso sikhathi.
Umnumzana Tjenesani Ntungakwa, wabaphatheke kundaba zokucubungula enhlanganisweni ye Revolutionary Institute of Zimbabwe, kukhangelwa iqiniso eligcweleyo phezu kwembali kundaba zombangazwe elizweni. UNtungakwa uthi inzima linkulumo kamongameli engelula ephezu kokujeziswa kwalabo abafisa ukuphatheka ekutshengiseleni okukhankaselwa ngabontanga ebandleni le MDC-T.
Inkulumo kaMugabe ephezu kwenyathelo angalithatha nxa bethe bazakala abammeli bakwamanye amazwe awe Europe ukuba baphatheka kundaba zemikhankaso yokulwela ilungelo lezitabane, ethembisa ukubathathela amanyathelo alukhuni, u Ntungakwa uthi iyakuveza sobala ukuba kungayisiyo ndaba kuphela ehluphayo nxa kukhangelwa ubudlelwano phakathi kweleZimbabwe lamazwe awenhlanganiso ye EU, ethi kukhona okucatshileyo uzulu wakuleli angakuzwisisyo.
Emkhosini wokunanza usuku lapho ilizwe lathola uzibuse, uMugabe uthi ngokwakuqala ngemva kokhetho alunqobayo, lwamhla ka 31 Ntulikazi nyakenye lapho atshele uzulu munye ukuba uhulumende wakhe uzakusebenza nzima ukuletha inguquko kwezomnotho kulandelwa iziqondiso ze ZIMASET, batholiswe usizo abamankampani ukuvuselela, ezokulungiswa kwempahla kodwa waqonqosela ukubuyiselwa kwezikwelede lapho bethe bancediswa.
Wathi uhulumende wakhe uzimisele njalo,ukuqeda udubo lokusabalala kwegciwane kanye lengculaza lapho athe sekudinga uzulu laye ukuba azinakekele kundlela aphila ngayo, alondoloze impilakahle yasemacansini.
Wakhuthaza ukulondolozwa kwamahlathi lapho uMugabe athe kubangela ukuba khona kwenkangala, waqonqosela labalimi abalima igwayi behlukane lomkhuba wokubelokhe begamula izihlahla mahlayana ngoba bedinga inkuni zokomisa lelogwayi.
Abalimi bakhuthazwa ukusebenzisa amalahle atholakala eHwange njengalokho bekusenziwa ngabamhlophe, ngoba abanganelisi ukwenza lokho, uMugbae uthi kungangcono bayekele ukulilima lelogwayi.
UMugabe utsho lamazwi esethula umbiko wakhe emkhosini wokunanza usuku ilizwe elathola ngalo uzibuse lonyaka, owenzelwe enkundleni ye National Sports Stadium oluhle lwahlangana losuku lwekhefu lwe Good Friday lapho ilizwe limanyana lamanye emhlabeni jikelele ukukhumbula ukubethelwa esiphambanweni kweNkosi uJesu Christu.
Lesi sixwayiso sikaMugabe siza ngemva kokuba ontanga ebandleni le MDC elikhokhelwa ngumnumzana Morgan Tsvangirayi besungule umkhankaso wokukhuthazana ukutshengisela ilizwe lonke besola umbuso weZanu Pf bethi usuphazamise isimo somnotho.
Wengeze ethi abalondoloza ukuthula lezemithetho kabayi kubukela nje ontanga laba betshengisela, kodwa ezajeziswa kanzima wonke ozaphatheka.
Umongameli Mugabe oselendumela kundaba zokusola indaba eziphathelelne lezezitabane ubethukethele ngesikhathi ekhuluma phezu kokwenza kwabamazwe akumanyano wamazwe e Europe, i European Union, athi babamba ngamandla abanye ohulumende ukuba babeke umthetho ovumela ukuba khona kwezitabane kiwo.
Wengeze ethi abammeli balamazwe eZimbabwe bangaziwa ukuba bayizitabane loba banga bonakala bekhankasela ilungelo lazo, bazakuxotshwa elizweni kungela kuthikaza.
Kodwa uzulu okhulumisane le Studio Seven utshengise imibono eyehlukeneyo phezu kwalenkulumo kaMugabe ngesikhathi esemkhosini wokunanza usuku lapho ilizwe lathola uzibuse mhla zilitshumi lasitshiyagalombili ( 18 ) ngomnyaka ka 1980 ngemva kokulwisana labelungu ababebusa ngaleso sikhathi.
Umnumzana Tjenesani Ntungakwa, wabaphatheke kundaba zokucubungula enhlanganisweni ye Revolutionary Institute of Zimbabwe, kukhangelwa iqiniso eligcweleyo phezu kwembali kundaba zombangazwe elizweni. UNtungakwa uthi inzima linkulumo kamongameli engelula ephezu kokujeziswa kwalabo abafisa ukuphatheka ekutshengiseleni okukhankaselwa ngabontanga ebandleni le MDC-T.
Inkulumo kaMugabe ephezu kwenyathelo angalithatha nxa bethe bazakala abammeli bakwamanye amazwe awe Europe ukuba baphatheka kundaba zemikhankaso yokulwela ilungelo lezitabane, ethembisa ukubathathela amanyathelo alukhuni, u Ntungakwa uthi iyakuveza sobala ukuba kungayisiyo ndaba kuphela ehluphayo nxa kukhangelwa ubudlelwano phakathi kweleZimbabwe lamazwe awenhlanganiso ye EU, ethi kukhona okucatshileyo uzulu wakuleli angakuzwisisyo.
Emkhosini wokunanza usuku lapho ilizwe lathola uzibuse, uMugabe uthi ngokwakuqala ngemva kokhetho alunqobayo, lwamhla ka 31 Ntulikazi nyakenye lapho atshele uzulu munye ukuba uhulumende wakhe uzakusebenza nzima ukuletha inguquko kwezomnotho kulandelwa iziqondiso ze ZIMASET, batholiswe usizo abamankampani ukuvuselela, ezokulungiswa kwempahla kodwa waqonqosela ukubuyiselwa kwezikwelede lapho bethe bancediswa.
Wathi uhulumende wakhe uzimisele njalo,ukuqeda udubo lokusabalala kwegciwane kanye lengculaza lapho athe sekudinga uzulu laye ukuba azinakekele kundlela aphila ngayo, alondoloze impilakahle yasemacansini.
Wakhuthaza ukulondolozwa kwamahlathi lapho uMugabe athe kubangela ukuba khona kwenkangala, waqonqosela labalimi abalima igwayi behlukane lomkhuba wokubelokhe begamula izihlahla mahlayana ngoba bedinga inkuni zokomisa lelogwayi.
Abalimi bakhuthazwa ukusebenzisa amalahle atholakala eHwange njengalokho bekusenziwa ngabamhlophe, ngoba abanganelisi ukwenza lokho, uMugbae uthi kungangcono bayekele ukulilima lelogwayi.
