EleZambia selicele inhlanganiso yeSADC leyeAfrican Union ukuba zingenele kudaba osoluxabanise ilizwe leli lele Zimbabwe kulandela inkulumo kaMongameli Emmerson Mnangagwa ekwele Russia lapho atshela khona umkhokheli wakulelolizwe, uMnu. Vladmir Putin, ukuthi eleMelika selisekela kakhulu eleZambia ukwenzela ukukhawulisa ilizwe lakhe.
EleZambia lithi kubi kakhulu okwethulwa nguMnangagwa ngakho-ke bakubone kufanele ukuba baphanyeke udaba lolu eSADC leAU.
Liphende lathi eleZimbabwe kumele likhumbule ukuba lasekelwa kakhulu ngele Zambia ngesikhathi lilwela uzibuse.
Kasenelisanga ukukhuluma ngodaba lolu leziphamandla zikahulumende weZimbabwe.
UMnu. Kuda Munsaka okubandla leZanu PF uthi eleZambia lizondelwe ngamazwe wonke akuzwekazi leAfrica ngokudlelana lele Melika ngendlela okukhanya engani ngeyokukhawulisa eleZimbabwe.
Kodwa uMnu. Vusumuzi Sifile okunhlanganiso yePanos uthi eleZambia lilelungelo lokuphanyeka udaba lolu eSADC leAU.
EleMelika lethesa inkokheli yebandla leZanu PF okuthiwa yenza ubukhohlakalo njalo yephula ilungelo loluntu.
Forum