WASHINGTON DC —
EleSouth Africa lithi lifuna ukhetho lweZimbabwe ludluliselwe phambili ngenyanga ukwenzela ukuthi kulungisiswe konke okuhluphayo okulakho ukwenqabela ukhetho olukhululekileyo.
Imbiko le iphuma ngesikhathi umthethwandaba weConstitutional Court ukhangelelwe ukuhluza udaba lwelanga lokhetho ngoLwesine.
Amacele womabili eMDC acele umthethwandaba lo ukuthi udlulisele ukhetho phambili ngoba kusakunengi okumele kulungiswe.
IConstitutional Court inqume ngenyanga edluleyo ukuthi ukhetho kumele lwenziwe inyanga kaNtulikazi ingakedluli.
Lokhu kwenza uMongameli Robert Mugabe wabeka umhlaka 31 Ntulikazi njengelanga lokhetho.
Kodwa umxwayisi kaMongameli Jacob Zuma, uNkosazana Lindiwe Zulu utshele intathelizindaba ukuthi ilizwe lakhe likhangelele ukuthi ukhetho umthethwandaba udlulisele ukhetho lolu phambili.
UMongameli weMelika uMnu Barack Obama, ekhuluma eseSouth Africa laye ukhuthaze eleZimbabwe ukuthi liqhube ukhetho olukhululekileyo.
Umphathintambo obona ngokuxolelana uMnu Moses Mzila Ndlovu olilunga leMDC ekhokhelwa nguMnu Welshman Ncube uthi ibandla lakhe likhangelele ukuthi iConstitutional Court idlulisele ukhetho phambili.
Imbiko le iphuma ngesikhathi umthethwandaba weConstitutional Court ukhangelelwe ukuhluza udaba lwelanga lokhetho ngoLwesine.
Amacele womabili eMDC acele umthethwandaba lo ukuthi udlulisele ukhetho phambili ngoba kusakunengi okumele kulungiswe.
IConstitutional Court inqume ngenyanga edluleyo ukuthi ukhetho kumele lwenziwe inyanga kaNtulikazi ingakedluli.
Lokhu kwenza uMongameli Robert Mugabe wabeka umhlaka 31 Ntulikazi njengelanga lokhetho.
Kodwa umxwayisi kaMongameli Jacob Zuma, uNkosazana Lindiwe Zulu utshele intathelizindaba ukuthi ilizwe lakhe likhangelele ukuthi ukhetho umthethwandaba udlulisele ukhetho lolu phambili.
UMongameli weMelika uMnu Barack Obama, ekhuluma eseSouth Africa laye ukhuthaze eleZimbabwe ukuthi liqhube ukhetho olukhululekileyo.
Umphathintambo obona ngokuxolelana uMnu Moses Mzila Ndlovu olilunga leMDC ekhokhelwa nguMnu Welshman Ncube uthi ibandla lakhe likhangelele ukuthi iConstitutional Court idlulisele ukhetho phambili.