Ugatsha lukahulumende weMelika olubona ngezemali i-Treasury Department solunike imvumo amabhanga amabili awe Zimbabwe akade engaphansi kwezijeziso zenotho ukuthi asebenze ekhululekile engela migoqo.
Iwofisi yogatsha lolu ebna ngempahla esemazweni eye Office of Foreign Assets Control yethule umbiko lo ngolweSithathu isithi amabhanga asengasebenza engesabi izijeziso zenotho yi Agricultural Development Bank of Zimbabwe le Infrastructure Bank of Zimbabwe.
Embikweni wayo liwofisi ithi labo okumele babe lobudlelwano lamabhanga la abafuna ukwenza ibhizimusi lele Melika, kuzamele kube ngabantu abangekho kuluhlu lwamagama abetheswa izijeziso zenotho. IStudio Seven kayenelisanga ukukhulumisana leziphathamandla ze Melika ngodaba lolu.
Amazwe angentshonalanga afakela uMongameli Robert Mugabe, abalandeli bebandla le Zanu PF lamankampani adlelana lebandla leli izijeziso zenotho kulandela ukhetho lukamongameli olomnyaka ka 2002.
Amazwe anjenge Melika, i-Bhilithane le Australia kanye lawe European Union asola kakhulu ukhetho lolu esithi lwalungaqhutshwanga ngemfanelo. Ngakho-ke bafaka izijeziso lezi ukwenzela ukuthi kube lenguquko elizweni.
IMelika yethula umthetho we Zimbabwe Democracty and Economic Recovery Act-ZIDERA ngomnyaka ka 2001 isenzela ukuthi ibandla le Zanu PF lingancindezeli uzulu.
I-European Union seyayekethisa kancane izijeziso zenotho ezafakelwa abalandeli bebandla le Zanu PF yatshiya uMongameli Robert Mugabe labanye bakhe abalutshwane.
Iwofisi yogatsha lolu ebna ngempahla esemazweni eye Office of Foreign Assets Control yethule umbiko lo ngolweSithathu isithi amabhanga asengasebenza engesabi izijeziso zenotho yi Agricultural Development Bank of Zimbabwe le Infrastructure Bank of Zimbabwe.
Embikweni wayo liwofisi ithi labo okumele babe lobudlelwano lamabhanga la abafuna ukwenza ibhizimusi lele Melika, kuzamele kube ngabantu abangekho kuluhlu lwamagama abetheswa izijeziso zenotho. IStudio Seven kayenelisanga ukukhulumisana leziphathamandla ze Melika ngodaba lolu.
Amazwe angentshonalanga afakela uMongameli Robert Mugabe, abalandeli bebandla le Zanu PF lamankampani adlelana lebandla leli izijeziso zenotho kulandela ukhetho lukamongameli olomnyaka ka 2002.
Amazwe anjenge Melika, i-Bhilithane le Australia kanye lawe European Union asola kakhulu ukhetho lolu esithi lwalungaqhutshwanga ngemfanelo. Ngakho-ke bafaka izijeziso lezi ukwenzela ukuthi kube lenguquko elizweni.
IMelika yethula umthetho we Zimbabwe Democracty and Economic Recovery Act-ZIDERA ngomnyaka ka 2001 isenzela ukuthi ibandla le Zanu PF lingancindezeli uzulu.
I-European Union seyayekethisa kancane izijeziso zenotho ezafakelwa abalandeli bebandla le Zanu PF yatshiya uMongameli Robert Mugabe labanye bakhe abalutshwane.