Kusigaba sokubhekane lokwenzakala kwele Melika, sixoxa loMnu. Haggins Msimanga odabuka eZimbabwe ohlala kwele Melika ngokhetho oluzayo.
NgoLwesibili kukhangelelwe ukuba ibandla lama Republicans lelama Democrats azaqhubekela phambili ngokhetho lwama primaries ezabelweni ezitshiyeneyo.
Okwamanje kusobala ukuba owayengumongameli uMnu. Donald Trump uzakhethwa ngama Republicans kuthi-ke njalo kuthethwe uMnu. Joe Biden kubandla lama Democrats loba esaphikiswa ngabanye abafisa ukuncintisa kukhetho olukhulu lukamongameli oluzaqhutshwa ngoLwezi lonyaka.
UMsimanga uthi amabandla womabili azimisele ukukhetha ababili laba abazancintisana kukhetho lukamongameli oluzafana lolwaqhutshwa ngomnyaka ka2020.
Uthi amabandla womabili athembisa abantu izulu lomhlaba loba kusobala ukuba awasoze befeze ezinye izithembiso zawo uBiden kumbe uTrump bengangena esikhundleni sikamongameli.
Forum