EleColumbia Lamukela Izizalwane Zalo Ngemva Kokudlephana loTrump Phezu Kokududulwa Kwabokuza eMelika

EleColombia selivumile ukwamukela izizalwane zalo ezibotshwe zadudulwa eMelika ngoba zingelamaphepha ngemva kokufuthelana okubekhona phakathi kwabakhokheli bamazwe womabili ngeSonto.

Ukufuthelana lokhu kuqhamuke ngemva kokuba uMongameli weColumbia uMnu Gustavo Petro eyale ukwamukela indizamtshina zebutho leMelika ebezithwele izizalwane zeColumbia ezibotshwe eMelika esithi uhulumende kaMnu Donald Trump uphatha abantu laba ngendlela engelasithunzi.

Lokho kucunule kakhulu uMongameli Trump, yena ohle wethesa yonke impahla evela kweleColumbia umthelo wesilinganiso samatshumi amabili lanhlanu ekhulwini, i-25 percent.

UMongameli weColumbia laye uphange waphindisela ngenyathelo elifanayo.

Kodwa ekupheleni kosuku ngeSonto amacele womabili azise ukuthi ebesekhulumisene avumelana ukuthi eleColumbia lizakwamukela abantu balo kungela migoqo.

Uhulumende kaTrump uphakathi kokubopha abantu bokuza abakulelilizwe bengelamaphepha.

Olandela ezombusazwe zeMelika uMnu Washington Jamela utshele iStudio 7 ukuthi lanxa eleMelika lilelungelo lokubuyisela abantu bokuza abangelamaphepha amazweni abo, indlela okuqhutshwa ngalo uhlelo lolu ilakho ukuhlupha.

Embed share

Ingxoxo loMnu Washington Jamela

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:53 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala