FRANCISTOWN —
EleBotswana seliphindisele emuva abeZimbabwe abangaba zinkulungwane ezedlula amatshumi ayisithupha-62,000 emnyakeni embili edluleyo, ezigoqela ukhulu oleminyaka engamatshumi athoba munwe munye lasithupha-96.
Edabeni olutshiye inengi licunukile njalo limangele, ele Botswana lixhotshe ukhulu weZimbabwe lo oleminyaka engamatshumi ayisificamunwe munye lasithupha.
Okhulu lo uthethwe esibhedlela se Selebi-Phikwe lapho akade elalisiwe khona.
UMnumzana Alfred Khumalo wafika kweleBotswana ngomnyaka ka 1943 njalo kakaze abuyele eZimbabwe.
Inengi, eligoqela igqwetha elilwela amalungelo oluntu, uMnumzana Tshiamo Rantao, lisisolile lesisenzo sikahulumende weleBotswana.
Umphathintambo Batshu yena utshele idale lephalamende eleBotswana ukuthi uKhumalo nguye ocele ukubuyiselwa emuva. Okuzikhanyela ukuthi kakusilo qiniso ngoba ukhulu ephume kweminye imifanekiso ezindabeni ezama ukulwisa ukubanjwa ngamandla ukuphuma esibhedlela.
Uthi ngenxa yokuthi uKhumalo ube esegugile utshengise isifiso sokubuyela eZimbabwe, noma nje inengi lingalukholwa ngitsho lakancane udaba luka hulumende.
EleBotswana likhiphe inani lezizalwane ezakwamanye amazwe eziphindiselwe emuva ngenxa yokuhlala elizweni okungekho emthethweni emnyakeni embili edluleyo.
EleZimbabwe lihamba phambili ngabantu abazinkulungwane ezingamatshumi edlula ayisithupha-62,000.
Amanye amazwe wonke ehlangene abe lezizalwane ezinga makhulu amathathu lamatshumi amahlanu lanye -351.
Umphathintambo obona ngendaba ezenzakala phakathi kwelizwe, uMnumzana Edwin Batshu nguye owethule leli nani edale lephalamende.
Abanye abeZimbabwe abangalamaphepha aqondileyo, bathi sebehlalela evalweni ngoba ukubuyisela abahlezi eBotswana okungekho emthethweni sekuqale ukwanda…
Amapholisa aseqale umkhankaso wokuphindisela emuva abaseBotswana okungekho emthethweni. Bekungathi kuthule eminyakeni emithathu edluleyo, kulenani elilutshwana elibuyiselwe emuva.
Kungakabunjwa uhulumende womanyano eZimbabwe, iBotswana yabika ukuthi ubuyisela abeZimbabwe phose abangaba zinkulungwane ezingamatshumi amathathu (30,000) ngenyanga.
EleBotswana seliphindisele emuva abeZimbabwe abangaba zinkulungwane ezedlula amatshumi ayisithupha-62,000 emnyakeni embili edluleyo, ezigoqela ukhulu oleminyaka engamatshumi athoba munwe munye lasithupha-96.
Edabeni olutshiye inengi licunukile njalo limangele, ele Botswana lixhotshe ukhulu weZimbabwe lo oleminyaka engamatshumi ayisificamunwe munye lasithupha.
Okhulu lo uthethwe esibhedlela se Selebi-Phikwe lapho akade elalisiwe khona.
UMnumzana Alfred Khumalo wafika kweleBotswana ngomnyaka ka 1943 njalo kakaze abuyele eZimbabwe.
Inengi, eligoqela igqwetha elilwela amalungelo oluntu, uMnumzana Tshiamo Rantao, lisisolile lesisenzo sikahulumende weleBotswana.
Umphathintambo Batshu yena utshele idale lephalamende eleBotswana ukuthi uKhumalo nguye ocele ukubuyiselwa emuva. Okuzikhanyela ukuthi kakusilo qiniso ngoba ukhulu ephume kweminye imifanekiso ezindabeni ezama ukulwisa ukubanjwa ngamandla ukuphuma esibhedlela.
Uthi ngenxa yokuthi uKhumalo ube esegugile utshengise isifiso sokubuyela eZimbabwe, noma nje inengi lingalukholwa ngitsho lakancane udaba luka hulumende.
EleBotswana likhiphe inani lezizalwane ezakwamanye amazwe eziphindiselwe emuva ngenxa yokuhlala elizweni okungekho emthethweni emnyakeni embili edluleyo.
EleZimbabwe lihamba phambili ngabantu abazinkulungwane ezingamatshumi edlula ayisithupha-62,000.
Amanye amazwe wonke ehlangene abe lezizalwane ezinga makhulu amathathu lamatshumi amahlanu lanye -351.
Umphathintambo obona ngendaba ezenzakala phakathi kwelizwe, uMnumzana Edwin Batshu nguye owethule leli nani edale lephalamende.
Abanye abeZimbabwe abangalamaphepha aqondileyo, bathi sebehlalela evalweni ngoba ukubuyisela abahlezi eBotswana okungekho emthethweni sekuqale ukwanda…
Amapholisa aseqale umkhankaso wokuphindisela emuva abaseBotswana okungekho emthethweni. Bekungathi kuthule eminyakeni emithathu edluleyo, kulenani elilutshwana elibuyiselwe emuva.
Kungakabunjwa uhulumende womanyano eZimbabwe, iBotswana yabika ukuthi ubuyisela abeZimbabwe phose abangaba zinkulungwane ezingamatshumi amathathu (30,000) ngenyanga.