GABERONE —
EleBotswana selilandule imbiko ethi seliqale uhlelo lokubuyisela emuva abeZimbabwe abalamaphepha awokuhlala lokusebenza kulelozwe. Kodwa abanye abeZimbabwe bathi sebenanzelele ukuthi abanye babo abasela ncwadi zabo zokusebenza.
Umphathintambo obona ngezemisebenzi kweleBotswana, umnunzana Edwin Batshu uthi kalalwazi lwabe Zimbabwe ababuyiselwa emuva ngobunengi ngoba bengasafunakali kulelo lizwe.
UBatshu uthi akwaziyo yikuthi sekuthatha isikhathi eside ukucubungula incwadi zalabo abafisa ukuhlala kumbe basebenze kweleBotswana.
Lokhu kulandela imbiko ephume eZimbabwe isithi kulabanengi abalelo lizwe abangatholanga incwadi zokusebenza eBotswana ezintsha. UBatshu uthi ugatsha lwakhe luzazama ngendlela zonke ukuqondisa ukuphuza ukuphuma kwamaphepha awokusebenza elizweni. Uthi uma kulalabo abangatholanga ukungezelelwa iminyaka kumaphepha abo awokusebenza, kungabe kungamakampani aselandela uhlelo lokunikeza imsebenzi kuzizalwane zeBotswana.
Abanye abeZimbabwe bathi labo sebenanzelele ukuthi kuthatha isikhathi eside ukuthola impendulo uma bedinga ukungezelelwa iminyaka kumaphepha abo. ..
Abanye njalo bathi kade bezama kodwa besehluleka ukuthola amaphepha awokusebenza noma nje sebathola imsebenzi…
Inhlawulo yokuthola lezingwalo layo isikhuphukile, osokusitsho ukuthi umuntu sokumele atshone esikhwameni abhadale inkulungwane ezinthathu zamaphula-P3000, kumbe amadola eMelika angamakhulu amane -US$400. Lokhu kutshengisa ukukhuphuka kwesilinganiso esiyingxenye ekhulwini (50%).
IZimbabwe iqhubeka ihamba phambili ngenani lezizalwane zakwamanye amazwe ezisebenza zihlala kweleBotswana okusemthethweni. Kulenkulungwane ezidlula eziyisikhombisa (7000) phakathi kwezizalwane zakwamanye amazwe eziyisitshiya galolunye (9000).
Umphathintambo obona ngezemisebenzi kweleBotswana, umnunzana Edwin Batshu uthi kalalwazi lwabe Zimbabwe ababuyiselwa emuva ngobunengi ngoba bengasafunakali kulelo lizwe.
UBatshu uthi akwaziyo yikuthi sekuthatha isikhathi eside ukucubungula incwadi zalabo abafisa ukuhlala kumbe basebenze kweleBotswana.
Lokhu kulandela imbiko ephume eZimbabwe isithi kulabanengi abalelo lizwe abangatholanga incwadi zokusebenza eBotswana ezintsha. UBatshu uthi ugatsha lwakhe luzazama ngendlela zonke ukuqondisa ukuphuza ukuphuma kwamaphepha awokusebenza elizweni. Uthi uma kulalabo abangatholanga ukungezelelwa iminyaka kumaphepha abo awokusebenza, kungabe kungamakampani aselandela uhlelo lokunikeza imsebenzi kuzizalwane zeBotswana.
Abanye abeZimbabwe bathi labo sebenanzelele ukuthi kuthatha isikhathi eside ukuthola impendulo uma bedinga ukungezelelwa iminyaka kumaphepha abo. ..
Abanye njalo bathi kade bezama kodwa besehluleka ukuthola amaphepha awokusebenza noma nje sebathola imsebenzi…
Inhlawulo yokuthola lezingwalo layo isikhuphukile, osokusitsho ukuthi umuntu sokumele atshone esikhwameni abhadale inkulungwane ezinthathu zamaphula-P3000, kumbe amadola eMelika angamakhulu amane -US$400. Lokhu kutshengisa ukukhuphuka kwesilinganiso esiyingxenye ekhulwini (50%).
IZimbabwe iqhubeka ihamba phambili ngenani lezizalwane zakwamanye amazwe ezisebenza zihlala kweleBotswana okusemthethweni. Kulenkulungwane ezidlula eziyisikhombisa (7000) phakathi kwezizalwane zakwamanye amazwe eziyisitshiya galolunye (9000).