FRANCISTOWN —
EleBotswana lithi likhangelele ukuthi ukhetho lweZimbabwe luzaqutshwa kumumo olokuthula kungela dlakela kukanti inhlanganiso ekhangela ngeziphepheli yona ithi ifake ilihlo lokhozi kulelo lizwe ukuze incede labo abangabalekela umumo omubi wodlakela ongaqhamuka ngaleso sikhathi.
Umqondisi wogatsha lwezomvikela, uMnumzana Ross Sanoto utshele iStudio 7 ukuthi abakhangelelanga ukuthi isimo sibe sibi eZimbabwe ngaphambilini langemva kokhetho.
Uthi bayalandela imbiko ngesimo eZimbabwe, njalo bayasuthiseka ukuthi abasoke babone inkulungwane lenkulungwane zibalekela kweleBotswana njengalokho okwenzeka ngomnyaka ka 2008.
Kukanti ugatsha olubona ngeziphepheli enhlanganisweni yomanyano wamazwe womhlaba eye United Nations High Commission for Refugees- UNHCR, ithi izimisele ukunceda abangadinga ubuphepheli kweleBotswana.
Ihofisi le ithi layo ibeke ilihlo lokhozi kusimo seZimbabwe njalo ilethemba lokuthi ukhetho luzaba ngolukhululekileyo lungela dlakela njalo lwenziwe ngokuthula.
Kodwa ithi kungaba lesidingo izamukela inani elingabalekela kweleBotswana enkambeni eseDukwi duze leFrancistown.
Abehofisi ye UNHCR, bekhuluma leStudio 7, bathe okwakhathesi kuleziphepheli ezedlula inkulungwane ezivela eZimbabwe ezise kambeni yeDukwi. Inengi lafika ngomnyaka ka2008 libalekela ukuhlukuluzwa lodlakela.
AbeZimbabwe abachaphe umngcele wePlumtree le Ramokgwebana ensukwini ezedluleyo banike imbono etshiyeneyo ngabangenayo eBotswana abanye besithi inani labangenayo seliqonga abanye njalo besithi kababoni mehluko.
Ngaphambi kokhetho luka 2008 olwabona kuvutha amalangabi odlakela, inkulungwane lenkulungwane zabe Zimbabwe zabalekela kweleBotswana, okwabamba ngamandla ukuthi ihofisi ye unhcr uvule indawo ezintsha emadolobheni atshiyeneyo ngoba enkambeni yeDukwi kwasokugcwele.
Okwakhathesi laloba nje udlakela luveza ikhanda lapha lalaphaya ezigabeni ezitsheyeneyo zeZimbabwe, umumo ukhanya unganeno nxa kulinganiswa lasikhathi sinye ngaphambilini kokhetho luka 2008.
Ingcwethi zezombusazwe ezinengi zithi olwalonyaka ukhetho lungaba lomehluko njengoba ibandla leZanu PF elivame ukukhokhela ekutshotshozeleni udlakela minyaka yonke, lonyaka lihlabela ingoma yokukhuthaza ukuthula, okuyinkuthazo evela lakumongameli robert mugabe lezinye inkokheli zaleli bandla. Umbuzo olabanengi ngothi kambe lonyaka izanu pf ingabe isiguqukile na?
Umqondisi wogatsha lwezomvikela, uMnumzana Ross Sanoto utshele iStudio 7 ukuthi abakhangelelanga ukuthi isimo sibe sibi eZimbabwe ngaphambilini langemva kokhetho.
Uthi bayalandela imbiko ngesimo eZimbabwe, njalo bayasuthiseka ukuthi abasoke babone inkulungwane lenkulungwane zibalekela kweleBotswana njengalokho okwenzeka ngomnyaka ka 2008.
Kukanti ugatsha olubona ngeziphepheli enhlanganisweni yomanyano wamazwe womhlaba eye United Nations High Commission for Refugees- UNHCR, ithi izimisele ukunceda abangadinga ubuphepheli kweleBotswana.
Ihofisi le ithi layo ibeke ilihlo lokhozi kusimo seZimbabwe njalo ilethemba lokuthi ukhetho luzaba ngolukhululekileyo lungela dlakela njalo lwenziwe ngokuthula.
Kodwa ithi kungaba lesidingo izamukela inani elingabalekela kweleBotswana enkambeni eseDukwi duze leFrancistown.
Abehofisi ye UNHCR, bekhuluma leStudio 7, bathe okwakhathesi kuleziphepheli ezedlula inkulungwane ezivela eZimbabwe ezise kambeni yeDukwi. Inengi lafika ngomnyaka ka2008 libalekela ukuhlukuluzwa lodlakela.
AbeZimbabwe abachaphe umngcele wePlumtree le Ramokgwebana ensukwini ezedluleyo banike imbono etshiyeneyo ngabangenayo eBotswana abanye besithi inani labangenayo seliqonga abanye njalo besithi kababoni mehluko.
Ngaphambi kokhetho luka 2008 olwabona kuvutha amalangabi odlakela, inkulungwane lenkulungwane zabe Zimbabwe zabalekela kweleBotswana, okwabamba ngamandla ukuthi ihofisi ye unhcr uvule indawo ezintsha emadolobheni atshiyeneyo ngoba enkambeni yeDukwi kwasokugcwele.
Okwakhathesi laloba nje udlakela luveza ikhanda lapha lalaphaya ezigabeni ezitsheyeneyo zeZimbabwe, umumo ukhanya unganeno nxa kulinganiswa lasikhathi sinye ngaphambilini kokhetho luka 2008.
Ingcwethi zezombusazwe ezinengi zithi olwalonyaka ukhetho lungaba lomehluko njengoba ibandla leZanu PF elivame ukukhokhela ekutshotshozeleni udlakela minyaka yonke, lonyaka lihlabela ingoma yokukhuthaza ukuthula, okuyinkuthazo evela lakumongameli robert mugabe lezinye inkokheli zaleli bandla. Umbuzo olabanengi ngothi kambe lonyaka izanu pf ingabe isiguqukile na?