GABERONE —
Obekhokhela iqula leBotswana ebeliyebona ngokhetho lweZimbabwe uMnumzana Mompati Merafhe usechaze ukhetho lolu njengamadlwane kukanthi uhulumende weBotswana yena esithi kumele kucubungulwe izehlakalo ngemva kokunqoba kweZanu PF.
Ekhuluma lentathelizindaba esigodlweni seBotswana iGaborone, uMerafhe uthi sebekhathele ukukhuluma ngeZimbabwe kulandela imbiko yokuthi kungabe kube lobuqili kukhetho.
UMerafhe obe ekhokhele iqula ebeliseZimbabwe uthi noma nje ukhetho luqhutshwe ngokuthula kungabanga lodlakela, kunengi okungahambanga kakuhle, okugoqela ugwalo loluhlu lwabalelungelo lokuvota iVoters Roll.
Uthi abeBotswana kumele bazimisele ukwamukela iziphepheli ezivela eZimbabwe kulandela ukunqoba kweZanu PF kukhetho olutshiye inengi libambe owangaphansi.
Ngokuya kukaMerafhe, owayengumncedisi kamongameli Ian Khama engakatshiyi umsebenzi nyakenye, ngabe iZimbabwe iyesulwa kumalunga eSadc ngoba isehluleka ukubamba ukhetho olukhulekileyo.
Kusenjalo, umphathintambo obona ngendaba zaphandle kwelizwe, uMnunzana Phandu Skelemani uthi kulesidingo sokuthi kucubungulwe indlela ukhetho oluqutshwe ngayo kwele Zimbabwe ngeviki edluleyo.
Uthi inkokheli yeSadc kumele iphathe udaba lweZimbabwe emhlanganweni olandelayo ozabanjelwa edolobheni le Lilongwe kweleMalawi ekupheleni kwayonale inyanga kaNcwabakazi.
USkelemani uthi imbiko abayithola kuqula ebeliseZimbabwe itshengisa ukuthi ukhetho alubanjwanga kulandela iziqondiso ze Sadc ezokubanjwa kokhetho.
IBotswana ithi lokhu kulakho ukuguqula impumelo yalolu khetho. USkelemani uthi ilizwe lakhe kalilandeli okutshiwo ngamanye amazwe afana leSouth Africa yona ethi ukhetho belukhulelekile.
UMongameli Jacob Zuma usethumele umbiko wokuhalalisela uMongameli Robert Mugabe ngokunqoba kwakhe kulolu khetho.
IBotswana ibe ithumele iqula labantu abangamatshumi ayisitshiyagalombili (80) ukuyabona ngokuqutshwa kwalolu khetho eZimbabwe.
Ekhuluma lentathelizindaba esigodlweni seBotswana iGaborone, uMerafhe uthi sebekhathele ukukhuluma ngeZimbabwe kulandela imbiko yokuthi kungabe kube lobuqili kukhetho.
UMerafhe obe ekhokhele iqula ebeliseZimbabwe uthi noma nje ukhetho luqhutshwe ngokuthula kungabanga lodlakela, kunengi okungahambanga kakuhle, okugoqela ugwalo loluhlu lwabalelungelo lokuvota iVoters Roll.
Uthi abeBotswana kumele bazimisele ukwamukela iziphepheli ezivela eZimbabwe kulandela ukunqoba kweZanu PF kukhetho olutshiye inengi libambe owangaphansi.
Ngokuya kukaMerafhe, owayengumncedisi kamongameli Ian Khama engakatshiyi umsebenzi nyakenye, ngabe iZimbabwe iyesulwa kumalunga eSadc ngoba isehluleka ukubamba ukhetho olukhulekileyo.
Kusenjalo, umphathintambo obona ngendaba zaphandle kwelizwe, uMnunzana Phandu Skelemani uthi kulesidingo sokuthi kucubungulwe indlela ukhetho oluqutshwe ngayo kwele Zimbabwe ngeviki edluleyo.
Uthi inkokheli yeSadc kumele iphathe udaba lweZimbabwe emhlanganweni olandelayo ozabanjelwa edolobheni le Lilongwe kweleMalawi ekupheleni kwayonale inyanga kaNcwabakazi.
USkelemani uthi imbiko abayithola kuqula ebeliseZimbabwe itshengisa ukuthi ukhetho alubanjwanga kulandela iziqondiso ze Sadc ezokubanjwa kokhetho.
IBotswana ithi lokhu kulakho ukuguqula impumelo yalolu khetho. USkelemani uthi ilizwe lakhe kalilandeli okutshiwo ngamanye amazwe afana leSouth Africa yona ethi ukhetho belukhulelekile.
UMongameli Jacob Zuma usethumele umbiko wokuhalalisela uMongameli Robert Mugabe ngokunqoba kwakhe kulolu khetho.
IBotswana ibe ithumele iqula labantu abangamatshumi ayisitshiyagalombili (80) ukuyabona ngokuqutshwa kwalolu khetho eZimbabwe.