WASHINGTON —
Ibandla le ZANU PF lithi abasekeli becele leMDC elikhokhelwa nguMnu. Morgan Tsvangirai abangafika amakhulu amabili eMakokoba koBulawayo sebetshiyane lebandla labo baya ngena kwele ZANU PF.
URetired Colonel Tshinga Dube oncintisa kukhetho lokudinga ozamela imakokoba edale lephalamende emele ibandla le ZANU PF, uthi inani labantu laba lingaqonga ngoba lalamuhla bakhona abaze kubandla lakhe.
UDube utshele uSithandekile Mhlanga weStudio 7 ukuthi kusobala ukuthi inengi lithakazelela inhlelo azisungule eMakokoba ezithuthukisa ilokitshi elidala.
Kodwa umabhalane wecele leMDC elikhokhelwa nguMnu. Morgan Tsvangirai uMnu. Albert Mhlanga ulandule ukuthi kulamalunga atshiye ibandla lakhe. UMnu. Mhlanga uthe uke wafika emahofisini alelibandla koBulawayo, njalo akukho okukhomba lokhu.
Imisakazo kahulumende isanda ukubika ukuthi umgcinisihlalo we MDC-T koBulawayo, uMnu. Gorden Moyo, ngomunye wabakhanya sebefuna ukuya ngena kubandla le ZANU PF.
UMoyo ubikwa ebonakale kumabonakude we ZBC ekhulumisana leziphathamandla zebandla leZANU PF eMakokoba.
UMoyo utshele uChris Gande weStudio 7 ukuthi wayezidlulela nje, wasexoxisana loColonel Tshinga Dube.
URetired Colonel Tshinga Dube laye uvumelene loMnu. Moyo, wagcizelela ukuthi babezixoxela nje, njalo kuyabukeka ukuthi abantu bamabandla atshiyeneyo bezikhulumele kuhle kungeladlakela.
URetired Colonel Tshinga Dube oncintisa kukhetho lokudinga ozamela imakokoba edale lephalamende emele ibandla le ZANU PF, uthi inani labantu laba lingaqonga ngoba lalamuhla bakhona abaze kubandla lakhe.
UDube utshele uSithandekile Mhlanga weStudio 7 ukuthi kusobala ukuthi inengi lithakazelela inhlelo azisungule eMakokoba ezithuthukisa ilokitshi elidala.
Kodwa umabhalane wecele leMDC elikhokhelwa nguMnu. Morgan Tsvangirai uMnu. Albert Mhlanga ulandule ukuthi kulamalunga atshiye ibandla lakhe. UMnu. Mhlanga uthe uke wafika emahofisini alelibandla koBulawayo, njalo akukho okukhomba lokhu.
Imisakazo kahulumende isanda ukubika ukuthi umgcinisihlalo we MDC-T koBulawayo, uMnu. Gorden Moyo, ngomunye wabakhanya sebefuna ukuya ngena kubandla le ZANU PF.
UMoyo ubikwa ebonakale kumabonakude we ZBC ekhulumisana leziphathamandla zebandla leZANU PF eMakokoba.
UMoyo utshele uChris Gande weStudio 7 ukuthi wayezidlulela nje, wasexoxisana loColonel Tshinga Dube.
URetired Colonel Tshinga Dube laye uvumelene loMnu. Moyo, wagcizelela ukuthi babezixoxela nje, njalo kuyabukeka ukuthi abantu bamabandla atshiyeneyo bezikhulumele kuhle kungeladlakela.