Isikhulumeli sikahulumende, uMnu. Nick Mangwana, uthi umkhuhlane weCOVID-19 usumemetheka okwethusayo eZimbabwe.
UMangwana wethule umbiko lo enkundleni yokuxhumana eyeTwitter lapho athe kumele abantu bonke bezame ngamandla wonke ukuzivikela ngoba sokusethusa okwenzakala elizweni.
Uthe kukhanya engani izibhedlela kwele Zimbabwe sezithwele nzima ngokukhangelana labagula umkhuhlane lo.
Uzonde okumangalisayo ngokwenziwe ngabanye abantu eMbare ababonakale emifanekisweni njalo lakumabonakude begida bebanengi bethakazelela usuku lwakuqala lomnyaka ka2021.
Uthe amapholisa akhangelelwe ukuthi ababopha abaqoqe umbuthano lo.
Wethule lokhu kusanda kubhubha abantu abayisithupha eZimbabwe abagoqela uMnu. Bekezela Maduma Fuzwayo, uMfundisi Shank owebandla leBrethren-In-Christ Church, uMnu. Tawengwa Masimba owebandla leZanu PF labanye.
Sokulabantu abedlula inkulungwane ezilitshumi lane – 14,084 asebahlolwa batholakala bele COVID-19 eZimbabwe. Sokwabhubha abedlula amakhulu amathathu lamatshumi ayisithupha – 369.