WASHINGTON —
Amalunga ekhomithi yedale lephalamende ebona ngokulotshwa kutsha kwesisekelo sombuso eye COPAC ahanjiswe ezigabeni ezitshiyeneyo zelizwe, lapho akhangelelwe ukwaba khona ingwalo ezikhangelelwe ukuba yisisekelo sombuso esitsha eseDraft Constitution, ngaphambilini kokhetho lweReferendum, lapho abantu abazavota besala kumbe besamukela lolugwalo.
ICOPAC ithi kuzakwabiwa ingwalo zalolugwalo ezifika phose inkulungwane ezilikhulu, ezinengi zilotshwe ngolimi lwesingisi, ezinye ngendimi zesintu ezikhulunywa elizweni. Ezinye zalezingwalo ziyisifinqo seDraft Constitution.
UMnu. Believe Gaule, isiphathamandla seCOPAC utshele iStudio 7 ukuthi ingwalo lezi zizakwabelwa inkokheli zezigaba lenhlanganiso ezizimeleyo ezisebenza le COPAC kukusela ngoLwesibili.
Kusenjalo amagqwetha amela inhlanganiso ezimeleyo ebona ngokulotshwa kwesisekelo sombuso esivela kuzulu eye National Constitutional Assembley-N-C-A athi asesemaphethelweni amalungiselelo okumangalela emthethwandaba umongameli Robert Mugabe kanye lenhlanganiso kahulumende ebona ngokuqhutshwa kokhetho eye Zimbabwe Electoral Commission ngokubeka ilanga lika 16 kunyanga ezayo ukuthi kuqhutshwe ngalo ukhetho lweReferendum.
IN-C-A ithi kufanele uhulumende engezelele inyanga ezimbili, ukhetho lweReferendum luqhutshwe ngo Mbimbitho ukwenzela ukuthi abantu bafundisise ugwalo lweDraft Constitution ngokupheleleyo.
Kodwa uMnu. Welshman Ncube, okhokhela elinye lamacele eMDC njalo eligqwetha usanda kutshela iStudio 7 ukuthi akulamthetho owenqabela uhulumende ukuthi aqhube ukhetho lolu kunyanga ezayo, ikakhulu kungakedluli inyanga ezintathu kusukela ilanga leli limenyezelwa, njengalokhu okwavunyelwana kuhulumende womanyano.
ICOPAC ithi kuzakwabiwa ingwalo zalolugwalo ezifika phose inkulungwane ezilikhulu, ezinengi zilotshwe ngolimi lwesingisi, ezinye ngendimi zesintu ezikhulunywa elizweni. Ezinye zalezingwalo ziyisifinqo seDraft Constitution.
UMnu. Believe Gaule, isiphathamandla seCOPAC utshele iStudio 7 ukuthi ingwalo lezi zizakwabelwa inkokheli zezigaba lenhlanganiso ezizimeleyo ezisebenza le COPAC kukusela ngoLwesibili.
Kusenjalo amagqwetha amela inhlanganiso ezimeleyo ebona ngokulotshwa kwesisekelo sombuso esivela kuzulu eye National Constitutional Assembley-N-C-A athi asesemaphethelweni amalungiselelo okumangalela emthethwandaba umongameli Robert Mugabe kanye lenhlanganiso kahulumende ebona ngokuqhutshwa kokhetho eye Zimbabwe Electoral Commission ngokubeka ilanga lika 16 kunyanga ezayo ukuthi kuqhutshwe ngalo ukhetho lweReferendum.
IN-C-A ithi kufanele uhulumende engezelele inyanga ezimbili, ukhetho lweReferendum luqhutshwe ngo Mbimbitho ukwenzela ukuthi abantu bafundisise ugwalo lweDraft Constitution ngokupheleleyo.
Kodwa uMnu. Welshman Ncube, okhokhela elinye lamacele eMDC njalo eligqwetha usanda kutshela iStudio 7 ukuthi akulamthetho owenqabela uhulumende ukuthi aqhube ukhetho lolu kunyanga ezayo, ikakhulu kungakedluli inyanga ezintathu kusukela ilanga leli limenyezelwa, njengalokhu okwavunyelwana kuhulumende womanyano.