Umsekeli kaMongameli welizwe, uMnu. Constantino Chiwenga usekhuthaze uzulu ukuthi aqhubeke elandela imigoqo yokwenqabela ukumemetheka kwegcikwane le coronavirus.
UChiwenga, onguye njalo umphathintambo wezempilakahle, ubekhuluma embuthanweni wokulimukisa uzulu ngogubhane lwe coronavirus lombukiso wezempilakahle oyenzelwe ko Bulawayo namuhla.
Umcimbi lo, othiwa yi Covid 19 Charity Cycling Campaign, ubulabantu abatshova amabhasikili abalitshumi njalo lomphathimbo wezemidlalo, uNkosikazi Kitrsty Coventry laye ubekhona.
UChiwenga uthe koBulawayo kulakho ukuba labanengi abalokubanjwa igcikwane le coronavirus ngenxa yokusilela kwamanzi.
Uthe njalo igcikwane le coronavirus selimemetheka njalo, ikakhulu emazweni angentshonalanga esithi kumele uzulu alimuke ukuthi alikapheli leligcikwane.
Ukuhlaziya loludaba sixoxe lesiphathamandla senhlanganiso yezakhamizi eye Bulawayo Progressive Residents’ Association, uMnu. Thembelani Dube ukuze sizwe imbono yakhe ngaloludaba.
