WASHINGTON DC —
Umthethwandaba weConstitutional Court wazise ngoLwesine ukuthi uzahluza ngeviki ezayo isicelo seMDC esokuthi ukhetho ludluliselwe phambili.
Abakhweze isicelo lesi ngabakhokheli bamacele womabili eMDC abathi uMnu Welshman Ncube loMnu Morgan Tsvangirai, bona abathi ukhetho alumelanga lwenziwe mhlaka 31 ngoNtulikazi njengokutsho kukaMongameli Mugabe.
Umahluli omkhulu uMnu Godfrey Chidyausiku uthi izicelo zonke eziphathelane lokhetho ezikhwezwe kuConstitutional Court ezigoqela esikaMnu Nixon Nyikadzino lesikaNkosazana Mariah Phiri kumele zifakwe ndawonye zihluzwe ziludaba lunye.
Umthethwandaba lo yiwo owanquma ukuthi ukhetho kumele lwenziwe ekupheleni kukaNtulikazi, njalo abanye bathi kababoni uvuma ukuludlulisela phambili njengokufisa kweMDC.
Ingcwethi kwezombusazwe uDr. Nkululeko Sibanda, yena ofundisa eHuddersfield University utshele iStudio 7 ukuthi kaboni umthethwandaba udlulisela ukhetho lolu phambili.
"Kunzima ukuthi ngizwisise kahle ukuthi laba abacela umthethwandaba bathi udlulisele phambili njani ilanga lokhetho khona kuyiwo njalo lumthethwandaba ofake lelilanga," kutsho uDr Sibanda.
Kunjalo nje, abazancintisa kukhetho oluzayo bazakhweza amaphepha abo emthethwandaba weNomination Court ngoLwesihlanu, ukuze kubonakale ukuthi ngempela balungele ukungena kukhetho.
Abakhweze isicelo lesi ngabakhokheli bamacele womabili eMDC abathi uMnu Welshman Ncube loMnu Morgan Tsvangirai, bona abathi ukhetho alumelanga lwenziwe mhlaka 31 ngoNtulikazi njengokutsho kukaMongameli Mugabe.
Umahluli omkhulu uMnu Godfrey Chidyausiku uthi izicelo zonke eziphathelane lokhetho ezikhwezwe kuConstitutional Court ezigoqela esikaMnu Nixon Nyikadzino lesikaNkosazana Mariah Phiri kumele zifakwe ndawonye zihluzwe ziludaba lunye.
Umthethwandaba lo yiwo owanquma ukuthi ukhetho kumele lwenziwe ekupheleni kukaNtulikazi, njalo abanye bathi kababoni uvuma ukuludlulisela phambili njengokufisa kweMDC.
Ingcwethi kwezombusazwe uDr. Nkululeko Sibanda, yena ofundisa eHuddersfield University utshele iStudio 7 ukuthi kaboni umthethwandaba udlulisela ukhetho lolu phambili.
"Kunzima ukuthi ngizwisise kahle ukuthi laba abacela umthethwandaba bathi udlulisele phambili njani ilanga lokhetho khona kuyiwo njalo lumthethwandaba ofake lelilanga," kutsho uDr Sibanda.
Kunjalo nje, abazancintisa kukhetho oluzayo bazakhweza amaphepha abo emthethwandaba weNomination Court ngoLwesihlanu, ukuze kubonakale ukuthi ngempela balungele ukungena kukhetho.