WASHINGTON DC —
Idale leConstitutional Court selinqume ukuthi abezomvikela abehluleke ukuvota kukhetho lwespecial voting kumalanga edluleyo kumele bavote lozulu jikelele ngoLwesithathu.
IZimbabwe Electoral Commission (ZEC) yiyo ebicele lelidale ukuthi livumele amapholisa lamasotsha angavotanga kumaviki amabili edluleyo ukuthi bavunyelwe ukuvota lozulu.
Esethula isinqummo sakhe ngoLwesihlanu, umahluli omkhulu uGodfrey Chidyausiku uthe kuvumelekile ukuthi abangavotanga laba baphiwe njalo elinye ithuba lokuvota. lozulu.
Kodwa uChidyausike ulahle isicelo ebesifakwe yiZimbabwe Union of Journalists esokuthi intathelizindaba zivunyelwe ukuvota ilanga lokhetho lingakafiki ukwenzela ukuthi ziqhube umsebenzi wazo ngoLwesithathu sezivotile ngaphambilini.
Bakhona abasola ukuvunyelwa kwabezomvikela ukuvota ngeviki ezayo besithi lokhu kulakho ukwenza amanye amasotsha lamapholisa avote phansi kohlelo lwespecial voting ukuthi bavote okwesibili.
Kodwa iZEC ithi akusoze kwenzakale lokhu.
Umkhokheli weMDC-T uMnu Morgan Tsvangirai utshele intathelizindaba ngoLwesihlanu ukuthi ibandla lakhe selithole ubufakazi obubambekayo obuveza ukuthi ibandla leZanu PF lizaqlibezela kukhetho.
UTsvangirai uthi iziphathamandla zebandla lakhe zithole amaballot papers asetshenziswe kuspecial voting egodini lezibi elahliwe.
Wengeze wathi amaballot papers la ngawabezomvikela ekade bevotele ibandla lakhe.
Asenelisanga ukuthola ubufakazi obuqinisa imbiko kaTsvangirai, yena ozangqikilana loMongameli Robert Mugabe kanye loMnu Welshman Ncube kukhetho lokudinga uMongameli welizwe.
IZimbabwe Electoral Commission (ZEC) yiyo ebicele lelidale ukuthi livumele amapholisa lamasotsha angavotanga kumaviki amabili edluleyo ukuthi bavunyelwe ukuvota lozulu.
Esethula isinqummo sakhe ngoLwesihlanu, umahluli omkhulu uGodfrey Chidyausiku uthe kuvumelekile ukuthi abangavotanga laba baphiwe njalo elinye ithuba lokuvota. lozulu.
Kodwa uChidyausike ulahle isicelo ebesifakwe yiZimbabwe Union of Journalists esokuthi intathelizindaba zivunyelwe ukuvota ilanga lokhetho lingakafiki ukwenzela ukuthi ziqhube umsebenzi wazo ngoLwesithathu sezivotile ngaphambilini.
Bakhona abasola ukuvunyelwa kwabezomvikela ukuvota ngeviki ezayo besithi lokhu kulakho ukwenza amanye amasotsha lamapholisa avote phansi kohlelo lwespecial voting ukuthi bavote okwesibili.
Kodwa iZEC ithi akusoze kwenzakale lokhu.
Umkhokheli weMDC-T uMnu Morgan Tsvangirai utshele intathelizindaba ngoLwesihlanu ukuthi ibandla lakhe selithole ubufakazi obubambekayo obuveza ukuthi ibandla leZanu PF lizaqlibezela kukhetho.
UTsvangirai uthi iziphathamandla zebandla lakhe zithole amaballot papers asetshenziswe kuspecial voting egodini lezibi elahliwe.
Wengeze wathi amaballot papers la ngawabezomvikela ekade bevotele ibandla lakhe.
Asenelisanga ukuthola ubufakazi obuqinisa imbiko kaTsvangirai, yena ozangqikilana loMongameli Robert Mugabe kanye loMnu Welshman Ncube kukhetho lokudinga uMongameli welizwe.