Christopher Dube: Injongo YeZANU PF Ngeyokuthuthukisa Abansundu

WASHINGTON —  Njengoba sokungasensuku zatshwala ukuthi ukhetho lwenziwe mhlaka 31 Ntulikazi esigabeni sethu sokuxoxa labazancintisa kukhetho oluzayo kuStudio Seven, sixoxa loMnu. Christopher Dube webandla le ZANU PF, oncintisa esigabeni seNjube-Lobhengula koBulawayo kukhetho lokudinga ozamela lesisigaba edale lephalamende.

UMnu. Dube uncintisana labagoqela uMnu. Sam Siphepha Nkomo webandla leMDC elikhokhelwa nguMnu. Morgan Tsvangirai kanye loMnu. Nhlanhla Dube owelikhokhelwa nguMnu. Welshman Ncube.

UDube utshele uSithandekile Mhlanga weStudio 7 ukuthi injongo yakhe ngeyokuncedisa abantu ukuthi besungule inhlelo zokuzithuthukisa.