BULAWAYO —
Ikhansili yakoBulawayo ithi lanxa izikwelede zamanzi zesulwe nyakenye, sezikhwelile njalo ngoba izakhamuzi lokhe zisehluleka ukuhlawulela indleko yomsebenzi eziwenzelwa yikhansili. Izakhamizi lezi sezilezikwelede kukhansili amadollar angaphezu kwezigidi ezingamatshumi amathathu - $30 million kusukela ngesikhathi uhulumende esesula izikwelede zonke nyakenye.
Umgcinisihlalo wekhomithi yezokuphathwa kwemali ekhansilini, uKhansila James Sithole, uthi ngemva kokwesulwa kwezikwelede izakhamizi ezinengi zihle zakhohlwa ngembadalo osokwenze bangena njalo ezikweledeni. Uthi ikhansili isithwele nzima ukuqhuba inhlelo zayo ngenxa yokusilela kwemali.
UKhansila Sithole uthi phezu kwalokhu, imali ebikhangelelwe ukusetshenziswa yikhansili lonyaka iqunywe lugatsha lokubuswa kwezabelo. Imali le iqunywe ngezigidi ezilitshumi yasala phezu nje kwezigidi ezilitshumi zamadola - $113 million.
USithole uthi ikhansili iyehluleka ukukhanga osomabhizimusi ngenxa yenhlelo zikahulumende zokusa inotho kwabensundu.
Isakhamuzi uNkosikazi Melta Siziba uthi lonyaka bazawukhomba umuzi olotshwala ngoba sebazithintitha abasela ngitsho lemali encane yokubhadala ikhansili. Uthi izakhamuzi zithelwe nzima ngemva kokuvalwa kwamankanpani lanxa zizwisisa ukuthi ikhansili iyayidinga limali ukuqhuba inhlel zayo.
Ikhansili ilemali njalo engaphezu kwezigidi ezingamatshumi amathathu amadola $35 million okumele ibhadalwe ngabosomabhizimisi kodwa lokhu akuthembisi ngoba inengi labo selavala. Ikhansili layo ilezikwelede zeholo, ipension kanye leyamandla kagetsi okumele iyibhadale.
Umgcinisihlalo wekhomithi yezokuphathwa kwemali ekhansilini, uKhansila James Sithole, uthi ngemva kokwesulwa kwezikwelede izakhamizi ezinengi zihle zakhohlwa ngembadalo osokwenze bangena njalo ezikweledeni. Uthi ikhansili isithwele nzima ukuqhuba inhlelo zayo ngenxa yokusilela kwemali.
UKhansila Sithole uthi phezu kwalokhu, imali ebikhangelelwe ukusetshenziswa yikhansili lonyaka iqunywe lugatsha lokubuswa kwezabelo. Imali le iqunywe ngezigidi ezilitshumi yasala phezu nje kwezigidi ezilitshumi zamadola - $113 million.
USithole uthi ikhansili iyehluleka ukukhanga osomabhizimusi ngenxa yenhlelo zikahulumende zokusa inotho kwabensundu.
Isakhamuzi uNkosikazi Melta Siziba uthi lonyaka bazawukhomba umuzi olotshwala ngoba sebazithintitha abasela ngitsho lemali encane yokubhadala ikhansili. Uthi izakhamuzi zithelwe nzima ngemva kokuvalwa kwamankanpani lanxa zizwisisa ukuthi ikhansili iyayidinga limali ukuqhuba inhlel zayo.
Ikhansili ilemali njalo engaphezu kwezigidi ezingamatshumi amathathu amadola $35 million okumele ibhadalwe ngabosomabhizimisi kodwa lokhu akuthembisi ngoba inengi labo selavala. Ikhansili layo ilezikwelede zeholo, ipension kanye leyamandla kagetsi okumele iyibhadale.