WASHINGTON —
Iziphathamandla zecele le MDC elikhokhelwa nguMnu. Morgan Tsvangirai eBinga zithi lanxa zisamukela inhlelo zikahulumende ezokuthuthukisa lesisigaba, kusobala ukuthi ibandla leZANU PF lisebenzisa ezinye zalezinhlelo ukukhankasela usekelo njengoba ukhetho soluseduze.
Lokhu kulandela ukusungulwa kohlelo lokulondoloza amasiko eSiTonga nguNkosikazi Joyce Mujuru, omunye wabasekeli bakamongameli ngempelaviki eLubimbi High School eBinga.
UMujuru, emanyene lenhlanganiso ye Twalumba Holdings, uphe izikolo ezithile kulesisigaba amabhuku njalo wagcizelele ukuthi umongameli Mugabe wasungula uhlelo olufanayo ngomnyaka ka 1980 kodwa alusaphumelelanga ngenxa yokuswelakala kwabantu abaqeqetshe kulimi lweSiTonga.
UMnu. Joel Gabhuza kanye loMnu Patrick Sibanda, abamela i Binga South le Binga North edale lephalande bekucele le MDC elikhokhelwa nguMnu. Tsvangirai bathi abanxuswanga kulumkhosi .
USibanda utshele uSithandekile Mhlanga weStudio 7 ukuthi kuyasolisa ukuthi injongo yalumkhosi ngeyokuncedisa izakhamuzi zakulesisigaba kuphela njengoba kulenhlelo eziqakathekileyo ezigoqela ukuswelakala kwamanzi lokulungiswa kwemigwaqo ezingaqhutshwa kuhle.
Lokhu kulandela ukusungulwa kohlelo lokulondoloza amasiko eSiTonga nguNkosikazi Joyce Mujuru, omunye wabasekeli bakamongameli ngempelaviki eLubimbi High School eBinga.
UMujuru, emanyene lenhlanganiso ye Twalumba Holdings, uphe izikolo ezithile kulesisigaba amabhuku njalo wagcizelele ukuthi umongameli Mugabe wasungula uhlelo olufanayo ngomnyaka ka 1980 kodwa alusaphumelelanga ngenxa yokuswelakala kwabantu abaqeqetshe kulimi lweSiTonga.
UMnu. Joel Gabhuza kanye loMnu Patrick Sibanda, abamela i Binga South le Binga North edale lephalande bekucele le MDC elikhokhelwa nguMnu. Tsvangirai bathi abanxuswanga kulumkhosi .
USibanda utshele uSithandekile Mhlanga weStudio 7 ukuthi kuyasolisa ukuthi injongo yalumkhosi ngeyokuncedisa izakhamuzi zakulesisigaba kuphela njengoba kulenhlelo eziqakathekileyo ezigoqela ukuswelakala kwamanzi lokulungiswa kwemigwaqo ezingaqhutshwa kuhle.
