MARYLAND —
Umphathintambo wohlangothi lukahulumende olubona ngokuthwalwa kwempahla lokulungisa imigwaqo lokunye, uMnu. Joel Biggie Matiza, kasekho.
Umsakazo weZimbabwe Broadcasting Corporation ubika ukuba uMatiza ubhubhele eSt. Anne’s Hospital ngoLwesihlanu ntambama.
UMnu. Nick Mangwana, obengaphenduli umakhalekhukhwini wakhe, utshele iphephandaba leHerald ukuba kuliqiniso ukuthi uMatiza kasekho.
Akwaziwa akade kumkhathaza emzimbeni.
Ukubhubha kwakhe kuza ngesikhathi kusanda kutshona ezinye iziphathamandla zenhlangothi zikahulumende, ezigoqela uMnu. Sibusiso Moyo loNkosikazi Ellen Gwaradzimba.