Ukuxotshwa kwamalunga edale lephalamende acatshangelwa ukuthi asekela owayengumsekli kaMongameli, uNkosikazi Joice Mujuru kuqhubeke ngempelasonto lokhu kulembiko ethi akhona amanye amalunga azaxotshwa njalo.
Abaxotshiweyo laba ngabathi umsekeli kamphathintambo wezokulima, uMnu. Minister Tendai Savanhu, umsekeli kamphathintambo wezokuthwala, uNkosikazi Petronella Kagonye, umphathintamo wezehofisi kamongamelii uMnu Sylvester Nguni, Umphathintambo wezesizwe, uNkosikazi Flora Buka, umsekeli kamphathintambo wezempilakhle, uMnu. Paul Chimedza; uMnu. Tongai Muzenda umsekeli kamphathintambo wezezisebenzi, uNkosikazi Flora Buka loMnu. Fortune Chasi umskeli kamphathintambo wezemithetho.
Abaxotshiweyo kusukela ngomhlangano we congress sebefike itshumi lasithupha.
Incwadi zokuxotsha abantu laba ezilesandla sikamongameli Mugabe ongekho elizweni ngoba ekukhefu, zithi abantu laba abaxotshiweyo isizatho ngesokuthi bebengaqhubi kahle umsebenzi.
Kodwa ingcwethi ecubungula ezombusazwe, uMnu. George Mkhwananzi utshele uChris Gande weStudio Seven ukuthi ukuxotshwa kwabaphathintambo lokhu yizifiso zika Nkosikazi Grave Mugabe hatshi ukungazi msebenzi.
