Bathithibele abantu emazweni atshiyeneyo ngokumemetheka kwegcikwane leCoronavirus emhlabeni wonke jikelele.
Bakhala ngokumemetheka kwegcikwane leCoronavirus kwele Bhilithane, eMelika, Canada, South Africa, Zimbabwe lakwamanye amazwe.
USipho Phakathi, odabuka eZimbabwe ohlala eLondon, uthi sokusethusa ukukhwehlela emphakathini.
Uthi sokumiswe imidlalo yemincintiswano yenguqu kuzwekazi leEurope. Banengi ababhekane lomkhuhlane lo abagoqela uNkosazana Khanyi, osebenza kwezempilakahle ePennsylvania kwele Melika.
UNkosazana Khanyi uthi labagcinwe ezindlini zabantu asebekhulile kulemithetho emitsha yokubagcina.
Okwethulwe nguNkosazana Khanyi kusekelwe nguNkosikazi Sichasiselo Ndlovu osebenza eMaryland kwele Melika.
Bethuke okufanayo abantu kwele Zimbabwe osokuvinjwe imitshado, imihlangano kazulu njalo lombukiso walonyaka oweZimbabwe International Trade Fair. Kulabanye abantu asebelahlekelwe ngamabhizimusi abanjenge mbongi kazulu uObert Dube.
Uthi abanye abantu balakho ukudala amacala ngenxa yomkhuhlane lo.
Sokuvinjwe indawo zokudlela, izikolo, imicimbi, ezemidlalo lokunye emazweni atshiyeneyo emhlabeni wonke jikelele. Akwaziwa ukuthi umkhuhlane lo uzaphela kumbe uzabamba abantu abanengi.
