Abacatshangelwa ukuba ngabasekeli bebandla le Zanu PF abathumbe ipulazi lomkhokheli webandla le Zapu, uMnu. Dumiso Dabengwa ngeviki edluleyo belokhu bebelokhu bekhona namhla lanxa babethembise ukusuka izolo.
Ixuku leli, elikhokhelwa ngaboMnu. Tariro Magovanyika lo Mark Mukotami, babikwa sebeqalise ukwabela abanye babo ingxenye zalelipulazi elise Nyamandlovu.
UMagovanyika lo Mukotami babikwa bengene njalo kwelinye ipulazi likamainisipala elokugcina inyamazana zendle elithiwa Nature Reserve ngenyanga edluleyo.
IStudio Seven yehlulekile ukukhuluma lababili laba ngoba ingcingo zabo bezingangeni.
Kodwa uMnu. Dabengwa utshele iStudio Seven ukuthi uke wayafika kulelipulazi namhla wathola abathumbe ipulazi lakhe begamula izihlahla mahlayana njalo besithi kabasoze basuke