I-Israel ihlasele njalo esihlengeni seGaza ngoLwesibili lapho elwisana leHamas aafakwa kuluhlu lwamalwecatsha ngeleMelika lamanye amazwe.
Ibutho le-Israeli lithe belihlasela indawo ezisetshenziswa yiHamas njalo lenelise ukubhidliza amanye amagodi abesetshenziswa yiHamas ezansi yeGaza.
Uhlangothi lwezempilakahle eGaza olukhokhelwa yiHamas luthi ukuhlasela lokhu kubulalise abantu abangamatshumi amabili eRafah, idolobho eliseduze lomngcele le-Egypt lapho inkulungwane zabantu ezibalekele khona.
Ukulwisana lokhu kuza ngesikhathi kukhangelelwe ukuthi ikhansili yezomvikela eyomanyano wamazwe omhlaba eyeU.N. Security Council izakwenza isinqumo sokuthi kuke kumiswe impi ukuze kuphathiswe amaPhalestina adinga ukudla, amanzi lemithi.
Umhlangano lo obukhangelelwe ngoMvulo udluliselwe phambili njengoba ugwalo lwesinqumo belusalolongwa ukwenzela ukuthi luthole usekelo olugcweleyo.
Forum