Uzulu wakoBulawayo ubelombuthano ngoLwesibili wesikhumbuzo sobuhlungu obehlela abantu bemhlubulweni weMandebeleni ilizwe lisanda kuthola uzibuse ngalanga linye kunanzwa ilanga lokulotshwa kwesivumelano sokumanyanisa iPF Zapu leZanu, eseUnity Accord.
Umbuthano lo, owenzelwe eFidelity koBulawayo, uqoqwe ngabenhlanganiso ye Bhetshu LikaZulu, bemanyene labeZAPU lamalunga abalwa impi yenkululeko bekuviyo leZPRA ngenhloso yokukhumbula abatshabalala ngesikhathi sombuqazwe weGukurahundi.
Umnunzana Effort Ncube, umqondisi wenhlanganiso yeNational Consumer Rights Association iNACORA uthi kuqakathekile ukulondoloza imbali yokwenzakalayo ngesikhathi sombhuqazwe.
“Into eqakathekileyo yikuthi abantwana laba abasakhulayo bakwazi okwenzakala ngesikhathi seGururahundi bangaze bathatheka ngokucelebrate iUnity Accord kodwa bangene esililweni ngoba lusuku lokulila lokukhumbula abafayo labaphilayo abalimalayo, lusuku lokuthi labo abalimalayo Ama victims lama survivors yiwo afanele enze izinqumo zokuthi kulungiswe njani kungenziwa nguhulumende kunziwe yilabo abadlula phakathi kobunzima Lobo
Umnunzana Malaki Nkomo olilunga leZanu PF koBulawayo upha umbono wakhe ngosuku olwe Unity Day.
Umhlaka 22 December lilanga eqakathekileyo kakhulu, ikakhulu kusapho lweZimbabwe sikhalela ukuthi lapho inkokheli zethu ezimbili ezaziqakathekile ngaleso skhathi ubaba umuyi u Joshua Mqabuko Nkomo lo Robert Mugabe abahlanganisa amabandla omabili uthi kube yinto yinye. Singananzelela ukuthi lapha kubuya iUnity kwasekulokuxabana elizweni ngalokhu ukubambana kwabantu lokubambana kwenkokheli kwenza ukuthi kube lokuthula elizweni kwasekungani kulokuxokozela kungasakhanyi ukuthi abantu bayangaphi siyalibongela lelilanga ngoba selisenza wonke umuntu ahambe ekhululekile .”
Umnunzana Greater Sibanda ongumgcinisihlalo weVuselelaRestore uMhlanhlandlela uthi abantu kumele bengabandlululwa.
“Injongo yeUnity day ibaluleke kakhulu ngoba kuyadingakala ukuthi abantu babambane kodwa eqinisweni yikuthi abantu babambane yini, uHulumende okhona kumele ukuthi abone ukuthi khona injongo yeUnity day iyafezwa abantu bath ole amathuba alinganayo Abantu bathole imisebenzi elinganayo I development ibekhona ngokulinganayo. Le yiyo injongo yeUnity Accord ngaphandle kwalokho kubanzima ukuthi iUnity Accord ibeyinto eyamulekekileyo esizweni Ama authorities awalungise khonapho.
Umnunzana Mbuso Fuzwayo owenhlanganiso yeIBhetshu Lila Zulu uthi lokhu kuqakathekile kulabo abasindayo kumbhuqazwe.
“U22 December ulilanga eliqakathekileyo ikakhulu kulabo abasindayo kumbhuqazwe kodwa kulusisi ukuthi umbulali nguye Öse determiner ukuthi kube lilanga lokubambanisa abantu lilanga lokumisa ukubulawa kwabantu njalo ngibona angazathi asilolanga lolu Celebrater but lilanga lesikhumbuzo lilanga losizi eliyakhelwe ngegazi labantu so kimi lilanga eliqakathekileyo kakhulu lakubanye abantu kodwa esikufisayo yikuthi ilanga leli kalibekwe ngendlela eyiyo ukuze wonke umuntu abekwazi ukuthi I Zimbabwe imbali yayo ngemva kwenkululeko kwenzakaleni ngoba ungabala even lokwavunyelwanayo ukuthi bayazi commiter ukumisa udlakela, akuzange kube lodlakela kwaba lokubulawa kwabantu so ngibona angathi kulama terms ombulali ngoba wayelamandla.”
UMongameli uEmmerson Mnangagwa wethule amazwi ngokuqakatheka kosuku lolu olweUnity Day eHarare namhlanje ekhuthaza ukulondolozwa kokuthula okwatholakala ngokulotshwa kwesivumelwano Phakathi kwebandla le PF Zapu lele Zanu. Ukhuthaze njalo uzulu ukuba ukubambana lokuthula kufanele kube luphawu lwezizalwane zeZimbabwe.
