WASHINGTON DC —
Liviki kuhlelo lwethu Liphuma Lendaba Litshona Lendaba sixoxa loMnu. Tobia Sibanda isakhamuzi seDete ongomunye wabaphathisa abatshayeli ngokucenta utshani lokugamula izihlahla enzikini yomgwaqo osuka koBulawayo usiya edolobheni le Victoria Falls.
USibanda uthi lokhu bacanga sebebbone ingozi ezinengi ezazibangelwa yikuvaleka komgwaqo ngezihlahla.
"Sahlala phansi sabona ukuthi sifanele ukuthi siphongukuncedisa nje ukwenzela ukuthi abahamba ngenyawo labo benelise ukubona inkomo lezimota ezikhatshana," kutsho uSibanda.
Uthi baqala bebalutshwana bengafika isithupha kodwa inani labo lokhu liqhela sebeze besedlula itshumi.
"Lapha njengezakhamizi sisebenzisa amahloka lezigodo ezigwega ameva ngoba lindawo ilamava amanengi kakhulu," kutsho uSibanda.
