Ukuphehlwa kwamandla kagetsi eKariba kuzamiswa kunyanga eziyisithupha ezilandelayo nxa izulu lingasananga nogba amanzi ayabe sesemalutshwana kakhulu kulelidamu.
Isiphathamandla seKariba Power Station uMnu Kenneth Maswera uthi amanzi akhona okwamanje ayisilinganiso sokulitshumi lambili kuphela ekhulwini (12%).
"Njengoba kungela zulu nje, isilinganiso samanzi edamu leKariba sizaqhubeka sisehla. Lokhu kuzakwenza ukuthi simise uhlelo lokuphehla amagetsi edamu leli," kutsho uMaswera.
EleZimbabwe selileminyaka edlula elitshumi libhekane lokusilela kwamandla kagetsi, okwenza inkampani yeZESA icitshele izakhamizi amagetsi esikhathini esinengi.
Isiphathamandla seMDC-T uNkosazana Thabitha Khumalo utshele iStudio 7 ukuthi ukusilela kwamandla kagetsi kuzadlondlobala ngamandla nxa idamu leKariba lingatsha amanzi.
