WASHINGTON —
Abafundisi benhlanganiso yamabandla okholo iZimbabwe Pastors Fellowship bathi kabavumelani lembiko ethulwa yimuli kaMnu Itai Dzamara ethi yibo abaphambanise uhlelo lokukhulekela uDzamara ngeSonto lwacina lungasenziwanga.
Omela imuli yakoDzamara uMnu Patson Dzamara usole uMnu Watson Furayi, ongomunye wabafundisi ekade beqoqa loluhlelo esithi nguye otshele amapholisa ukuthi aluvale ngoba esithi solungenelwe ngabantu beMDC-T.
Lanxa imuli kaDzamara icine isiya emthethwandaba yavunyelwa ukuthi uhlelo lolu luqhubeke, lucine lungasenziwanga njalo abakoDzamara bathi bazahlela ilanga elitsha.
Sixoxe lomngane kaDzamara uCharles Nyoni yena othi udane kakhulu ngokulwisana okubekhona phakathi kwabakade beqoqa lumkhosi wacinga ungasabanga khona.
