WASHINGTON DC —
Inkampani ebona ngokuhanjiswa kwamagagasi omsakazo weSabc isivimbe amagagasi la ukuthi afinyelelwe ngabantu abahlala phandle kweleSouth Africa kungelambadalo, okutshiye uzulu weZimbabwe edane kakubi.
Inkampani yeSentech icitshe amagagasi la ngoMvulo yatshiya inkulungwane lenkulungwane zezizalwane zeZimbabwe lezakwamanye amazwe zisemnyameni.
Abantu abanengi bebebukela imisakazo yeSabc egoqela oweSabc1, Sabc2, Sabc3 leE-tv kungelambadalo besebenzisa amafree-to-air decoders alungiswa eChina agoqela iWiztech, iFortec, iPhilibao leVivid.
Abalokhu besenelisa ukubona inhlelo zeSabc ngabahlawula kuDstv.
ISabc leB-tv eyeBotswana zihambise iSentech emthethwandaba ngomnyaka odluleyo zifuna ivimbe amagagasi azo ukuze engafinyelelwa nguzulu kungelambadalo.
ISentech yaqala iphikisana lemisakazo le, kodwa ize yavuma yasithatha-ke inyathelo lokucitsha magagasi la.
Uzulu wezimbabwe ubebukela imisakazo le ngoba esithi weZimbabwe Broadcasting Corporation (ZBC) awulanhlelo ezithakazisayo, kanti njalo usekela ibandla leZanu PF.
Omunye wabacitshelwe iSabc nguNkosikazi Sinethemba Moyo yena othi udane kakhulu.
"Okudanisayo kakhulu yikuthi owethu lumsakazo weZBC awulanhlelo ezijabulisayo, lanamuhla lokhu basitshengisa oMurimi Wanhasi, inhlelo zakudaladala," kutsho umaMoyo.
Inkampani yeSentech icitshe amagagasi la ngoMvulo yatshiya inkulungwane lenkulungwane zezizalwane zeZimbabwe lezakwamanye amazwe zisemnyameni.
Abantu abanengi bebebukela imisakazo yeSabc egoqela oweSabc1, Sabc2, Sabc3 leE-tv kungelambadalo besebenzisa amafree-to-air decoders alungiswa eChina agoqela iWiztech, iFortec, iPhilibao leVivid.
Abalokhu besenelisa ukubona inhlelo zeSabc ngabahlawula kuDstv.
ISabc leB-tv eyeBotswana zihambise iSentech emthethwandaba ngomnyaka odluleyo zifuna ivimbe amagagasi azo ukuze engafinyelelwa nguzulu kungelambadalo.
ISentech yaqala iphikisana lemisakazo le, kodwa ize yavuma yasithatha-ke inyathelo lokucitsha magagasi la.
Uzulu wezimbabwe ubebukela imisakazo le ngoba esithi weZimbabwe Broadcasting Corporation (ZBC) awulanhlelo ezithakazisayo, kanti njalo usekela ibandla leZanu PF.
Omunye wabacitshelwe iSabc nguNkosikazi Sinethemba Moyo yena othi udane kakhulu.
"Okudanisayo kakhulu yikuthi owethu lumsakazo weZBC awulanhlelo ezijabulisayo, lanamuhla lokhu basitshengisa oMurimi Wanhasi, inhlelo zakudaladala," kutsho umaMoyo.