WASHINGTON DC —
Amalunga enhlanganiso elwela amalungelo abesifazana,eye Women of Zimbabwe Arise-Woza atshaywe kakubi ngamapholisa eHarare ngoLwesine ephakathi kokutshengisela phezu kodaba lokulondolozwa kwamalungelo oluntu.
Inhlanganiso le ibinanza njalo usuku lokulondoloza ukuthula emhlabeni jikelele olweInternational Day of Peace, olunanzwa mhlaka 21 Mpandula.
IWoza ithi amalunga ayo ebefola ezitaladeni zeHarare ejonge ukuyatshiya izikhalazo zawo ngendaba zokungahlonitshwa kwamalungelo oluntu edale lephalamende.
Kodwa amapholisa asuke achitha ukutshengisela lokhu ngokutshaya amalunga alinhlanganiso abopha iziphathamandla ezintathu ezigoqela uNkosikazi Jenny Williams loNkosikana Magodonga Mahlangu.
Kodwa abathathu laba bakhululwe ngezikhathi zantambama kungelacala abalethesiweyo.
"Ukutshaywa kwethu kuveza sobala ukuthi amapholisa alokhu engahloniphi amalungelo oluntu," kutsho uNkosazana Mahlangu, yena obebonana labodokotela ntambama edinga ukwelatshwa amanxeba okutshaywa ngamapholisa.
Ingcwethi kwezombusazwe uDr. Nkululeko Sibanda utshele iStudio 7 ukuthi ukubhaxabulwa kwamalunga eWoza lokhu kuveza sobala ukuthi uhulumende weZanu PF kasoze avumele ukutshengisela kwamalunga enhlanganiso ezizimeleyo.
Inhlanganiso le ibinanza njalo usuku lokulondoloza ukuthula emhlabeni jikelele olweInternational Day of Peace, olunanzwa mhlaka 21 Mpandula.
IWoza ithi amalunga ayo ebefola ezitaladeni zeHarare ejonge ukuyatshiya izikhalazo zawo ngendaba zokungahlonitshwa kwamalungelo oluntu edale lephalamende.
Kodwa amapholisa asuke achitha ukutshengisela lokhu ngokutshaya amalunga alinhlanganiso abopha iziphathamandla ezintathu ezigoqela uNkosikazi Jenny Williams loNkosikana Magodonga Mahlangu.
Kodwa abathathu laba bakhululwe ngezikhathi zantambama kungelacala abalethesiweyo.
"Ukutshaywa kwethu kuveza sobala ukuthi amapholisa alokhu engahloniphi amalungelo oluntu," kutsho uNkosazana Mahlangu, yena obebonana labodokotela ntambama edinga ukwelatshwa amanxeba okutshaywa ngamapholisa.
Ingcwethi kwezombusazwe uDr. Nkululeko Sibanda utshele iStudio 7 ukuthi ukubhaxabulwa kwamalunga eWoza lokhu kuveza sobala ukuthi uhulumende weZanu PF kasoze avumele ukutshengisela kwamalunga enhlanganiso ezizimeleyo.