WASHINGTON —
Inengi labantu elizweni lemukele ngembono etshiyeneyo amazwi kamongameli Robert Mugabe awakhulume emhlanganweni osaqhubeka owe 68th Session of the United Nations Generally Assembly, eNew York eMelika ngoLwesine, lapho akhuthaze umanyano we European Union ndawonye lele Melika ukuthi bethule izijeziso abazethesa eleZimbabwe.
Abanye bathi uMugabe usebenzise amazwi aqatha angasoze alethele eleZimbabwe abangane abangaqinisa lokuthuthukisa umnotho, kukanti abanye bathi okunengi akukhulumileyo kumqotho.
UMugabe uthi izijeziso lezi zingcolile njalo azikho emthethweni, ngakho ngama “illegal and filthy sanctions”. Wasehoza amazwe aphetsheya ngokuthi ‘Shame, Shame, Shame,” okubangele ukuthi abanye bathi ngabe ukhetha kuhle amabala nxa esemphakathini. Uthe ekhuluma esenzenjalo abequla leMelika babikwa behle baphuma bekhalala ukumuzwa eqhubeka ebathuka.
Ukuze sihlaziye loludaba, sixoxe loMnu. Dumisani Nkomo, ingcwethi ecubungula ezombusazwe, yena otshele uSithandekile Mhlanga weStudio 7 ukuthi liqiniso akusiqiniso ukuthi amazwe aphetsheya ephula iziqondise ze UN Security Council ngokwethesa eleZimbabwe izijeziso kungahluzwa isahluko sesikhombisa salumanyano.
Abanye bathi uMugabe usebenzise amazwi aqatha angasoze alethele eleZimbabwe abangane abangaqinisa lokuthuthukisa umnotho, kukanti abanye bathi okunengi akukhulumileyo kumqotho.
UMugabe uthi izijeziso lezi zingcolile njalo azikho emthethweni, ngakho ngama “illegal and filthy sanctions”. Wasehoza amazwe aphetsheya ngokuthi ‘Shame, Shame, Shame,” okubangele ukuthi abanye bathi ngabe ukhetha kuhle amabala nxa esemphakathini. Uthe ekhuluma esenzenjalo abequla leMelika babikwa behle baphuma bekhalala ukumuzwa eqhubeka ebathuka.
Ukuze sihlaziye loludaba, sixoxe loMnu. Dumisani Nkomo, ingcwethi ecubungula ezombusazwe, yena otshele uSithandekile Mhlanga weStudio 7 ukuthi liqiniso akusiqiniso ukuthi amazwe aphetsheya ephula iziqondise ze UN Security Council ngokwethesa eleZimbabwe izijeziso kungahluzwa isahluko sesikhombisa salumanyano.
