BULAWAYO —
Iqembu elimela ilizwe emdlalweni kanobhutshuzwayo elama Warriors selifikile edolobheni lase Cape Town lapho elidlala lisesigabeni sezibaya esomncintiswano we African Nations Championships.
Iqembu le Zimbabwe lidlala umdlalo walo wakuqala esibayeni sika Group B lele Morocco ngenSonto enkundleni ye Athlone ikantike umncintiswano uyabe uqale ngoMgqibelo lapho iqembu le Bafana Bafana elingqikilana khona lele Mozambique enkundleni yeCape Town Stadium.
ISouth Africa le Mozambique zikusibaya sika Group A ndawonye le Nigeria le Mali zona ezizadibana emdlalweni wesibili ngomgqibelo ntambama.
Ekhuluma iqembu lama Warriors lingakaphakami ekhaya lilubhekise eMzansi unozinti uGeorge Chigova uthe ulethemba lokuba lonyaka iZimbabwe izaphakamisa inkezo ye Chan.
Iqembu le Zimbabwe alizake lenelise ukuphuma esigabeni sezibaya selokhu lumncintiswano we Chan waqala kodwa umqeqetshi walo uIan Gorowa uthi ngemva kokunqoba kweqembu leli litshaya ele Gabon nge 2 ka nya emdlalweni wobungane uthi ulethemba lokuba uhlanganise iqembu elilakho ukwenza kuhle emncintisweni walonyaka.
Ngemva komdlalo wangeSonto le Morocco iZimbabwe izadlala le Uganda ngoLwesine mhla zilitshumi lesithupha kuthi umdlalo wayo owokucina wezibaya izatshayana lele Burkina Faso mhla zingamatshumi amabili kuyonale inyanga kaZibandlela.
Imidlalo yesigaba se quarter final izaqala mhla zingamatshumi amabili lanhlanu kuthi eye semi final izadlalwa mhla zingamatshumi amabili lathoba munwe munye ikanti ifinal yona izadlalwa ngosuku lwakuqala olwenyanga kaNhlolanja.
Imidlalo ye Chan isungulwe ngomnyaka ka 2009 lapho eqhutshelwe khona elizweni le Ivory Coast njalo iqembu elimela ilizwe le Democratic Republic of Congo yilo elaba zintshantshu.
Umncintiswano wesibili ubese Sudan ngomnyaka ka 2011 njalo iqembu elimela ilizwe le Tunisia yilo elinqobileyo.
Limidlalo yalonyaka kwakumele iqoqwe lilizwe le Libya kodwa lumlandu wasuphiwa ilizwe le South Africa ngemva kokuba lokungahlaliseki elizweni lase Libya.
Iqembu le Zimbabwe likhangelelwe ukuba labasekeli abanengi kulimidlalo njengoba kulezizalwane zelizwe le Zimbabwe ezinengi kabi ezihlala edolobheni lase Cape Town ikanti lemibiko ephuma esigodlweni iHarare ithi kulebhasi ezathwala abasekeli baleliqembu abahlala eZimbabwe ibase khonale eKapa.
Imidlalo ye Chan ingenwa ngabadlali abadlala besekhaya kuphela njalo abadlali abanengi bakhangelele kulimidlalo ukuba mhlawumbe bengathola amaqembu phandle kwelizwe.
Iqembu le Zimbabwe lidlala umdlalo walo wakuqala esibayeni sika Group B lele Morocco ngenSonto enkundleni ye Athlone ikantike umncintiswano uyabe uqale ngoMgqibelo lapho iqembu le Bafana Bafana elingqikilana khona lele Mozambique enkundleni yeCape Town Stadium.
ISouth Africa le Mozambique zikusibaya sika Group A ndawonye le Nigeria le Mali zona ezizadibana emdlalweni wesibili ngomgqibelo ntambama.
Ekhuluma iqembu lama Warriors lingakaphakami ekhaya lilubhekise eMzansi unozinti uGeorge Chigova uthe ulethemba lokuba lonyaka iZimbabwe izaphakamisa inkezo ye Chan.
Iqembu le Zimbabwe alizake lenelise ukuphuma esigabeni sezibaya selokhu lumncintiswano we Chan waqala kodwa umqeqetshi walo uIan Gorowa uthi ngemva kokunqoba kweqembu leli litshaya ele Gabon nge 2 ka nya emdlalweni wobungane uthi ulethemba lokuba uhlanganise iqembu elilakho ukwenza kuhle emncintisweni walonyaka.
Ngemva komdlalo wangeSonto le Morocco iZimbabwe izadlala le Uganda ngoLwesine mhla zilitshumi lesithupha kuthi umdlalo wayo owokucina wezibaya izatshayana lele Burkina Faso mhla zingamatshumi amabili kuyonale inyanga kaZibandlela.
Imidlalo yesigaba se quarter final izaqala mhla zingamatshumi amabili lanhlanu kuthi eye semi final izadlalwa mhla zingamatshumi amabili lathoba munwe munye ikanti ifinal yona izadlalwa ngosuku lwakuqala olwenyanga kaNhlolanja.
Imidlalo ye Chan isungulwe ngomnyaka ka 2009 lapho eqhutshelwe khona elizweni le Ivory Coast njalo iqembu elimela ilizwe le Democratic Republic of Congo yilo elaba zintshantshu.
Umncintiswano wesibili ubese Sudan ngomnyaka ka 2011 njalo iqembu elimela ilizwe le Tunisia yilo elinqobileyo.
Limidlalo yalonyaka kwakumele iqoqwe lilizwe le Libya kodwa lumlandu wasuphiwa ilizwe le South Africa ngemva kokuba lokungahlaliseki elizweni lase Libya.
Iqembu le Zimbabwe likhangelelwe ukuba labasekeli abanengi kulimidlalo njengoba kulezizalwane zelizwe le Zimbabwe ezinengi kabi ezihlala edolobheni lase Cape Town ikanti lemibiko ephuma esigodlweni iHarare ithi kulebhasi ezathwala abasekeli baleliqembu abahlala eZimbabwe ibase khonale eKapa.
Imidlalo ye Chan ingenwa ngabadlali abadlala besekhaya kuphela njalo abadlali abanengi bakhangelele kulimidlalo ukuba mhlawumbe bengathola amaqembu phandle kwelizwe.