BULAWAYO —
Umqeqetshi weqembu elimela ilizwe emdlalweni kanobhutshuzwayo uIan Gorowa utshaye indiva ukunqoba kweqembu lama Warriors linqoba ele Mozambique emdlalweni wokuzwana amandla odlalwe ngeNsonto esithi injongo walumdlalo ubungowokupha ithuba abadlali abangazake badlalele iqembu lesizwe phambilini kokukhethwa kwabadlali abazakuyamela ilizwe emidlalweni yeChan ezaqhutshelwa kwele South Africa ekuqaleni komnyaka ozayo.
Iqembu le Zimbabwe linqobe ele Mozambique nge 2 ka 1 enkundleni ye Barbourfields ngeNsonto kodwa umqeqetshi walo uIan Gorowa ukutshaye indiva lokhu kunqoba esithi yena obekuqakathekile yikuba kunikwe ithuba abanye abadlali abangazake badlale.
Abadlali ababalisa uNqobizitha Masuku odlalela iqembu le Bantu Rovers lona elidlala kusigaba sika Division One, uFrankson Bushire owe Shabanie Mine, uWonder Kapinda weqembu le Black Rhinos, uPasca Manhanga we Triangle kanye lo Themba Ndlovu ngabanye babadlali abathole ithuba lokudlalela iqembu lesizwe bedinga ukuba labo babe kuluhlu lwabadlali abazakuyamela ilizwe kumidlalo yeChan ngomnyaka ozayo.
Iqembu le Zimbabwe likhangelelwe ukuba liphatheke kweminye njalo imidlalo eyokuzwana amandla phambilini kokuba liyedlala kumncintiswano weChan ozaqala mhla zilitshumi lanye ngenyanga kaZibandlela.
IZimbabwe ikusibaya sika Group B ndawonye le Uganda, Burkina Faso kanye le Morocco.
Kolunye udaba olumayelana lomdlalo kanobhutshuzwayo uMongameli wenhlanganiso yeFifa uSepp Blatter ukhangelelwe ukuvakatshela ele Zimbabwe ezozibonela ngawakhe ingqubela phambili esiyenzakale eZifa Village esendaweni yeMount Hampden esigodlweni iHarare.
Lokhu kukhulunywe nguMongameli wenhlanganiso yeZifa u Cuthbert Dube kuhlelo lokuhlangana leziphathamandla zamaqembu enguqu adlala eko Bulawayo.
Loluhlelo lungenwe ngabantu abedlula amatshumi ayisithupha abagoqela inkokheli zamaqembu adlala ngaphansi kokuqondisa kwenhlanganiso ye Zifa
kucele labesilisa kanye lakucele labesifazane, abamela izikolo kanye
lentathelizindaba ezibhala ezemidlalo zisebenza zisedolobheni lako Bulawayo.
Sikhangele umdlalo wokugijima;
UKelvin Pangiso ogijimela iqembu labo Gadi Jele nguye onqobe kumncintiswano owe Choppies 10km Fun race oqhutshelwe elokitshini leNkulumane ngeNsonto ekuseni.
UPangiso uthole inkulungwane ezinhlanu zama Rand kuthi ophutshe ekundawo yesibili uElijah Mabhunu uthole inkulungwane ezintathu zama Rand ikanti uPhathisa Ngwabi oweHwange oqede ekundawo yesithathu uthole inkulungwane elengxenye.
Kucele labesifazane kunqobe uRutendo Nyahora kuthi endaweni yesibili bekulo Olivia Chitate ikanti kundawo yesithathu bekulo Faith Nyasango.
Kumncintiswano wabafana kunqobe uWellington Varevi kwathi kucele lamankazana onqobileyo ngu Rosetta Mandebvu.
Iqembu le Zimbabwe linqobe ele Mozambique nge 2 ka 1 enkundleni ye Barbourfields ngeNsonto kodwa umqeqetshi walo uIan Gorowa ukutshaye indiva lokhu kunqoba esithi yena obekuqakathekile yikuba kunikwe ithuba abanye abadlali abangazake badlale.
Abadlali ababalisa uNqobizitha Masuku odlalela iqembu le Bantu Rovers lona elidlala kusigaba sika Division One, uFrankson Bushire owe Shabanie Mine, uWonder Kapinda weqembu le Black Rhinos, uPasca Manhanga we Triangle kanye lo Themba Ndlovu ngabanye babadlali abathole ithuba lokudlalela iqembu lesizwe bedinga ukuba labo babe kuluhlu lwabadlali abazakuyamela ilizwe kumidlalo yeChan ngomnyaka ozayo.
Iqembu le Zimbabwe likhangelelwe ukuba liphatheke kweminye njalo imidlalo eyokuzwana amandla phambilini kokuba liyedlala kumncintiswano weChan ozaqala mhla zilitshumi lanye ngenyanga kaZibandlela.
IZimbabwe ikusibaya sika Group B ndawonye le Uganda, Burkina Faso kanye le Morocco.
Kolunye udaba olumayelana lomdlalo kanobhutshuzwayo uMongameli wenhlanganiso yeFifa uSepp Blatter ukhangelelwe ukuvakatshela ele Zimbabwe ezozibonela ngawakhe ingqubela phambili esiyenzakale eZifa Village esendaweni yeMount Hampden esigodlweni iHarare.
Lokhu kukhulunywe nguMongameli wenhlanganiso yeZifa u Cuthbert Dube kuhlelo lokuhlangana leziphathamandla zamaqembu enguqu adlala eko Bulawayo.
Loluhlelo lungenwe ngabantu abedlula amatshumi ayisithupha abagoqela inkokheli zamaqembu adlala ngaphansi kokuqondisa kwenhlanganiso ye Zifa
kucele labesilisa kanye lakucele labesifazane, abamela izikolo kanye
lentathelizindaba ezibhala ezemidlalo zisebenza zisedolobheni lako Bulawayo.
Sikhangele umdlalo wokugijima;
UKelvin Pangiso ogijimela iqembu labo Gadi Jele nguye onqobe kumncintiswano owe Choppies 10km Fun race oqhutshelwe elokitshini leNkulumane ngeNsonto ekuseni.
UPangiso uthole inkulungwane ezinhlanu zama Rand kuthi ophutshe ekundawo yesibili uElijah Mabhunu uthole inkulungwane ezintathu zama Rand ikanti uPhathisa Ngwabi oweHwange oqede ekundawo yesithathu uthole inkulungwane elengxenye.
Kucele labesifazane kunqobe uRutendo Nyahora kuthi endaweni yesibili bekulo Olivia Chitate ikanti kundawo yesithathu bekulo Faith Nyasango.
Kumncintiswano wabafana kunqobe uWellington Varevi kwathi kucele lamankazana onqobileyo ngu Rosetta Mandebvu.