WASHINGTON DC —
Abasakhulayo abangabasekeli bebandla leMDC-T batshaywe ngamasotsha kakubi elokitshini leHighfield eHarare lapho abakade belungiselela khona umhlangano omkhulu ozakwenziwa kuleyondawo ngoMgqibelo.
Umnu. Eric Murai omele iHighfield edale lephalamende uthi abasakhulayo abayisithupha balimele kakubi kwathi-ke abanye bacela enyaweni sebehlaselwe ngamasotsha.
UMurai uthi amasotsha la kukhanya abezondele ukuthi abasakhulayo laba kade befaka imbiko elamapikitsha kaMorgan Tsvangirai emigwaqweni etshengisa ukuthi kuzabe kulomhlangano we MDC-T eHighfield.
Uthi sebebikele amapholisa aleyondawo ngokwenzakale lamuhla njalo umhlangano lo uzaqhubekela phambili ngoMgqibelo.
Isikhulumeli samapholisa uAssistant Commissioner Charity Charamba uthe angeke akhulume ngodaba lolu njengoba esahlolisisa okwenzakale eHighfield.
Umnu. Promise Mkhwanazi unobhala jikelele wabasakhulayo kubandla le MDC-T uthi kuyayangisa okwenziwe ngamasotsha okumele ukuthi ahlale ezinkambeni kulokuthi ahlukuluze uzulu ezitaladini.
Umnu. Eric Murai omele iHighfield edale lephalamende uthi abasakhulayo abayisithupha balimele kakubi kwathi-ke abanye bacela enyaweni sebehlaselwe ngamasotsha.
UMurai uthi amasotsha la kukhanya abezondele ukuthi abasakhulayo laba kade befaka imbiko elamapikitsha kaMorgan Tsvangirai emigwaqweni etshengisa ukuthi kuzabe kulomhlangano we MDC-T eHighfield.
Uthi sebebikele amapholisa aleyondawo ngokwenzakale lamuhla njalo umhlangano lo uzaqhubekela phambili ngoMgqibelo.
Isikhulumeli samapholisa uAssistant Commissioner Charity Charamba uthe angeke akhulume ngodaba lolu njengoba esahlolisisa okwenzakale eHighfield.
Umnu. Promise Mkhwanazi unobhala jikelele wabasakhulayo kubandla le MDC-T uthi kuyayangisa okwenziwe ngamasotsha okumele ukuthi ahlale ezinkambeni kulokuthi ahlukuluze uzulu ezitaladini.