BULAWAYO —
Amaqembu aphuma esigabeni se Southern Region yiwo ahamba phambili kumncintiswano walonyaka owesigabeni se Castle Premier Soccer League ngemva kwemidlalo ebikhona ngempelaviki edluleyo.
Iqembu le Highlanders liyale lilokhu lihlezi phezu kwengalane yemiklomelo ngemva kokunqoba iqembu le Buffaloes emdlalweni obusenkundleni ye Sakubva ngeNsonto. IBosso ilemiklomelo elitshumi lathobamunwemunye (19) ngemva kwemidlalo eyithobamunwemunye kuthi ngemva kwayo kuleqembu le Hwange lona elile miklomelo elitshumi lathobaminwembili (18).
Kundawo yesithathu kuleqembu leHow Mine lona elile miklomelo elitshumi lesikhombisa kuthi ngemva kwalo kulentshantshu zanyakenye iqembu le Dynamos lile miklomelo elitshumi lesithupha.
Iqembu elingene lonyaka kusigaba saphezulu njalo okungelinye lamaqembu amabili angakaze edliwe lonyaka ele ZPC Kariba likundawo yesihlanu lilemiklomelo elitshumi lanhlanu.
Endaweni yesithupha kuleqembu le Shabanie Mine lona elile miklomelo elitshumi lane njalo lilingene ngemiklomelo lamaqembu angaphansi kwalo athi iCAPs United kanye le Buffaloes.
Kundawo yesithobamunwemunye kuleqembu le FC Platinum lona elilemiklomelo elitshumi lambili okulinani elilingana lele Chicken Inn.
Iqembu le Chapungu ikundawo yetshumi lanye lilemiklomelo elitshumi lanye kuthi ngaphansi kwalo kule Bantu Rovers, iTriangle, iBlack Rhinos, iChiredzi kanye le Harare City okuyiwo amaqembu ajeke amanye engalaneni yemiklomelo.
Iqembu le Highlanders liyale lilokhu lihlezi phezu kwengalane yemiklomelo ngemva kokunqoba iqembu le Buffaloes emdlalweni obusenkundleni ye Sakubva ngeNsonto. IBosso ilemiklomelo elitshumi lathobamunwemunye (19) ngemva kwemidlalo eyithobamunwemunye kuthi ngemva kwayo kuleqembu le Hwange lona elile miklomelo elitshumi lathobaminwembili (18).
Kundawo yesithathu kuleqembu leHow Mine lona elile miklomelo elitshumi lesikhombisa kuthi ngemva kwalo kulentshantshu zanyakenye iqembu le Dynamos lile miklomelo elitshumi lesithupha.
Iqembu elingene lonyaka kusigaba saphezulu njalo okungelinye lamaqembu amabili angakaze edliwe lonyaka ele ZPC Kariba likundawo yesihlanu lilemiklomelo elitshumi lanhlanu.
Endaweni yesithupha kuleqembu le Shabanie Mine lona elile miklomelo elitshumi lane njalo lilingene ngemiklomelo lamaqembu angaphansi kwalo athi iCAPs United kanye le Buffaloes.
Kundawo yesithobamunwemunye kuleqembu le FC Platinum lona elilemiklomelo elitshumi lambili okulinani elilingana lele Chicken Inn.
Iqembu le Chapungu ikundawo yetshumi lanye lilemiklomelo elitshumi lanye kuthi ngaphansi kwalo kule Bantu Rovers, iTriangle, iBlack Rhinos, iChiredzi kanye le Harare City okuyiwo amaqembu ajeke amanye engalaneni yemiklomelo.