Amapholisa athi aseqinisa umkhankaso wokubopha abantu abathengisa izidakamizwa labazisebenzisayo njalo akhuthaza uzulu ukuthi aphatheke kulumkhankaso ngokuwaluma indlebe phezu kwezephulamthetho ukuze kuqedwe loludubo.
Kumbiko esiwethule ngoLwesibili, isikhulumeli samapholisa uMnu Paul Nyathi uthe kulabasolwa abathathu abasanda kumiswa enkantolo ngemva kokutholakala belezidakamizwa ezigoqela i-chrystal meth le-broncleer Cough Syrup.
Uthi omunye wabasolwa laba watholakala ele-chrystal meth ebiza izigidi ezedlula ezinhlanu zamadola akuleli, Z$5, 3 million.
Ukusetshenziswa kwezidakamizwa ludaba osoluhluphile eZimbabwe olubhahe kakhulu kwabasakhulayo.
Ukhansila wakoBulawayo uNkosikazi Percy Nyathi utshele iStudio 7 ukuthi ngempela kuqakathekile ukuthi abantu babambisane lamapholisa elizweni lonke ukuze kuqedwe loludubo.
Forum