Amalunga ecele lebandla leMthwakazi Republic Party elikhokhelwa nguMnu. Chilumbo Mudenda loMnu. Mbonisi Gumbo athi namuhla avinjwe ngamapholisa ukuba atshengisele koBulawayo ukwenzela ukuveza ukungasekeli kwabo uhlelo lokuhlela umbhuqazwe weGukurahundi oluzaqhutshwa lonyaka zinduna emaphandleni eMatabeleland.
UMudenda ophethe okwesikhatshana isihlalo somngcinisihlalo webandla leli uthi amapholisa abegcwele edolobheni leli loba benelise ukuhambisa ingwalo zabo ezijulileyo ezimumethe izikhalazo zabo kubaphathintambo bakahulumende.
Kasenelisanga ukukhuluma ngodaba lolu loMnu. George Charamba, obona ngokwethulwa kwemibiko ewofisini kaMongameli Emmerson Mnangagwa othi uhlelo lolu lwenzelwa ukuba abantu bekhumisane umlotha ngokubulawa kwezihlobo labangane ngesikhathi sombhiqazwe weGukurahundi.
UMudenda uthi akumangalisi okwenziwe ngamapholisa.
Amapholisa kawazange aveze ukuba yindaba enganikanga ibandla leli imvumo yokuthengisela.
Forum