Amapholisa eHarare agebhe phose ilanga lonke edinga ikhanda lomntwana uTapiwa Makore, owabulawa ngenyanga ezimbalwa ezedluleyo eHarare kusiga lapho okucatshangelwa ukuthi umfowabo kayise, uMnu. Thanks Makore labanye, babefuna ukusebenzisa izitho zakhe zomzimba ukuzinothisa.
Bagebhe eDamofalls emzini kaMnu. Makore, obikwa eliwele loyise kamufi, laye okuthiwa nguMnu. Tapiwa Makore.
Amapholisa amlethe kulindawo evela entolongweni njalo alethe izinja zokuthungatha umkhondo kamufi.
Abantu baze ngobunengi babo behlabela begida besithi bafuna ikhanda lelo litholakale,
Sokwabotshwa abantu abalihlekana kuloludaba, ababikwa belesandla ekubulaweni kukaTapiwa.
Isiga lesi sasolwa ngabanengi njalo umongameli Emmerson Mnangagwa wathi abazakwenza isiga esifanayo bazajeziswa kabuhlungu.
Amapholisa ethule umbiko ngoLwesithathu esithi awatholanga lutho njengalokho okuphuma kweyinye imbiko ebulenjini.
Sixoxe loMnu. Peter Moyo, omela iSoutherton edale lephalamende ngaloludaba.
