WASHINGTON DC —
Inhlanganiso yeWomen of Zimbabwe Arise (Woza) itshengisele koBulawayo ngoLwesihlanu amanye amalunga abhaxabulwa kabuhlungu ngamapholisa njengokwenzakale eHarare ngoLwesine.
Abakhokheli balinhlanganiso abathi uNkosikazi Jenny Williams loNkosazana Magodonga Mahlangu babanjwe ngamapholisa bahanjiswa enkambeni yeCentral Police Station kodwa basuke bakhululwa bengetheswanga cala.
Lokhu yikho okwenzakale njalo ekutshengiseleni kwabo eHarare ngoLwesine. Ukutshengisela lokhu bekungokokunanza ilanga lokulondolozwa kokuthula emhlabeni jikelele eleInternational Day of Peace.
Amalunga ale inhlanganiso abezama ukusa izikhalazo zawo kuhulumende ezigoqela esokuthi uhulumende kumele ahloniphe amalungelo oluntu.
UNkosazana Mahlangu usole kakhulu ukuhlukuluzwa kwabo ngamapholisa. "Lanxa amapholisa esihloniphile namuhla, siyakusola ukutshaya akwenze amanye amalunga enhlanganiso yetho," kutsho uMahlangu.
Abakhokheli balinhlanganiso abathi uNkosikazi Jenny Williams loNkosazana Magodonga Mahlangu babanjwe ngamapholisa bahanjiswa enkambeni yeCentral Police Station kodwa basuke bakhululwa bengetheswanga cala.
Lokhu yikho okwenzakale njalo ekutshengiseleni kwabo eHarare ngoLwesine. Ukutshengisela lokhu bekungokokunanza ilanga lokulondolozwa kokuthula emhlabeni jikelele eleInternational Day of Peace.
Amalunga ale inhlanganiso abezama ukusa izikhalazo zawo kuhulumende ezigoqela esokuthi uhulumende kumele ahloniphe amalungelo oluntu.
UNkosazana Mahlangu usole kakhulu ukuhlukuluzwa kwabo ngamapholisa. "Lanxa amapholisa esihloniphile namuhla, siyakusola ukutshaya akwenze amanye amalunga enhlanganiso yetho," kutsho uMahlangu.